عەرەبستانا سعوودیێ ب توندی هۆشداریێ ددەتە ئیرانێ
وەزارەتا دەرڤە یا عەرەبستانا سعوودیێ د داخۆیانیەکێ دا راگەهاند کو حوسیێن یەمەنێ ب چەکێ ئیرانێ ئێرشی گەمیەکا وان ل دەریا سۆر کرینە و زیانێن گەلەک مەزن ژی گەهشتینە گەمیا وان، ئەو یەک ژی نیشا ددەت کو ئیران ب رێیا حوسییان مەترسیێ بۆ هەموو جیهانێ دروست دکەت و دڤێت د چارچۆڤێ شەڕێ ل دژی حوسییێن یەمەنێ دا رێککەفتنەکا نوو بۆ پاراستنا هەموو گەمیان ل دەریا سۆر بهێتە کرن.
وەزارەتا دەرڤە یا عەرەبستانا سعوودیێ ئەو یەک ژی دیار کریە، بەری نها ژی حوسیێن یەمەنێ ئێرشی چەندین گەمیان ل دەریا سۆر کرینە و مخابن د ئێرشا ڤێ دووماهیێ دا زیان گەهشتینە گەمیا وان و وەکو عەرەبستان ئەو ب توندی هۆشداریێ ددەنە ئیرانێ کو رێ نەدەت جارەکا دی حوسیێن یەمەنێ ئێرشی گەمیان ل دەریا سۆر بکەن، چونکی سعوودیێ ل هەمبەر زێدەگاڤیێن ئیرانێ و حوسییان بێدەنگ نامینیت.
