ل دەڤەرداریا ئامێدیێ ٦٥ پڕۆژەیێن ئاڤێ كەفتینە د خزمەتا وەلاتیان دا
ئامێدیێ، مەحمود نهێلی:
د ماوێ ڤان چار سالێن بۆری دا و ل سەردەمێ كابینەیا نەهێ یا حوكمەتا هەرێما كوردستانێ، هەژمارەكا زۆرا پڕۆژەیێن ئاڤێ ل دەڤەرا ئامێدیێ هاتینە بجهـئینان و كەفتینە د خزمەتا وەلاتیان دا.
ئەندازیار بەشار حەجی، رێڤەبەرێ ئاڤا ئامێدیێ بۆ رۆژناما ئەڤرۆ دیار كر، د ڤان چار سالێن بۆری دا، ل سنوورێ دەڤەردایا ئامێدیێ پتری ٦٥ پڕۆژەیێن ئاڤێ هاتینە بجهـئینان و كەفتینە د خزمەنا وەلاتیان دا و گۆت: «بەهرا پترا ڤان پڕۆژەیان گرێدایی راكێشان و دانانا تۆڕێن ئاڤێ ل تاخێن نوو، هەروەسا نووژەنكرن و سەخبێركرنا تۆڕێن ئاڤێ ل سەرانسەری دەڤەرداریا ئامێدیێ بووینە».
گۆتژی: «ئەڤ پڕۆژەیە ب گوژمێ شەش ملیار و ٥٠٠ ملیۆن دیناران ژ لایێ حوكمەتا هەرێما كوردستانێ ڤە دهێنە بجهئینان، دیسا ب گوژمێ ملیار دیناران رازیبوون ل سەر پرۆژەیێن دی یێن ئاڤێ بۆ ناوچەداریێن دێرەلۆكێ و شێلادزێ و كانیماسێ هاتیە كرن».
