هەتا دووماهیا ئەڤ سالە هەموو مووچەخۆر دێ ب ئەلكترۆنی مووچەیێن خۆ وەرگرن
هەولێر، سولین سلێمان
حوكمەتا هەرێما كوردستانێ دەستپێكریە ب دیجیتاڵكرنا پرۆسا موچەیێن فەرمانبەر و كارمەندێن حكومەتا هەرێما كوردستانێ، د مەها ئەیلولا سالا بوریدا كارتا بانكیا “هەژمارا من“ ب خەلكان هاتیە دان و هەتا نوكە هەژمار ل نیڤ ملیۆنان یا نێزیك دبیت.
رێبین كەمال سەرپەرشتیار پرۆژا “هەمارا من” بۆ رۆژناما ئەڤرۆ گۆت”ڤێ مەهێ 25 هزار موچەخوران موچەیێن خۆ ب رێكا هژمارا من وەرگرتینە، ئارمانج د ڤێ پرۆژەی دا ئەوە تا دووماهیا ئەڤ سالە هەموو موچەخوران د ڤێ پرۆژێدا تومار بكەین كۆ هژمارا وانا پتری ملیۆنەكێ یە و گۆت: د هەمان دەمدا فەرمانبەرێن مەدەنی ژی دێ شێن ب رێیا پرۆژێ هژمارا من موچەیێن خۆ وەرگرن.
هەر چەندە د ماوێن بوریدا خەلكی هندەك گازندە هەبون كۆ هندەك atm ئاریشە هەبوون و پارە تێدا نەبوون، سەرپەرشتیارێ “هەژمارا من “ دەربارێ ڤێ چەندێ ئاشكرا كر ”د نۆكەدا ئەو ئاریشە نەمایە، هەر چەندە هندەك atm هەبون كۆ ئەڤ ئاریشە هەبوون، لێ تیمەكا كارایا مەیدانی ب زۆترین دەم ئەو ئاریشە چارەسەركرن ب داتا دزانیت كیش atm پێدڤی ب پركردنەڤا پارا هەیە، تنێ دو ئامیرا ئەو ئاریشە هەبون ئەو ژی د هەمان رۆژێدا هاتە چارەسەركرن.
د. سامان مامۆستایێ زانكۆیێ دەربارێ ڤێ چەندێ بۆ رۆژناما ئەڤرۆ گۆت ”ئەڤ سالە من كارتا خۆ وەرگرتیە، د نۆكەدا بەردەوام دەمێ موچەیێ من دهێت ئێكسەر ب رێكا atm هەژمارا من ئەز موچێ خۆ وەردگرم ب شێوازەكێ زور ئاسان، دیسا ژی ل جهێ كولێژا من گەلەك یا نێزیكە، سپاسیا حكومەتا هەرێما كوردستانێ دكەم كو گرنگیەكا زۆر ب ڤی پرۆژەی دایە، ب تایبەت كابینا نەهێ یا جەنابێ مەسرور بارزانی، چونكی ئەڤ پرۆژە ل سەر دەستێ وی هاتیە دروستكرن.
دكتۆر باهۆز بوچۆنا خۆ ب ڤی شێوازی گۆت ”ئەم وەكی كارمەندێن كەرتێ تەندروستی، ل سالا بوری تا نۆكە بەردەوام ب رێكا پرۆژا هەژمارا من موچەیێن خو وەردگرین، چونكی وەزارەتا تەندروستی ئێكەم وەزارەت بوو مۆچەیێن خۆ ب شێوازی ئەلكترونی وەرگرتی و تا نوكە ژی بەردەوامە.
ئارمانج د پرۆژا “هەژمارا من”رێكخستنا شێوازا پێدانا موچەیێن فەرمانبەرێن كەرتێ گشتی و بەرەڤپێشبرنا ئاسایشا دارایی و دابینكرنا هەژمارەكا خزمەتگوزاریێن داراییە ژبۆ خەلكێ هەرێما كوردستانێ، تا ڤی دەمی ب چەندان بەنكان ل پرۆژا “هەژمارا من” دا هەنە هەمی ئەو بانك ژی ل بانكێن ناڤەندیێن ئیراقێ مولەت هەنە و ژمارا وان بەنكان ژی رۆژ ب رۆژ یا زێدەتر لێ دهێت.
