ئاریشا رۆناهیا جۆتسایدێ شێلادزێ و سیریێ هاتە چارەسەكرن
ئەڤرۆ
ئامێدیێ، مەحمود نهێلی:
پشتی بۆ ماوەیەكی رۆناهیا ناوچەداریا شێلادزێ و كۆمەلگەها سیریێ ژ كار كەفتی، ژ لایێ بنگەهێ سەخبێریا كارەبا شێلادزێ ڤە هاتە سەخبێركرن و ئەو ئاریشە هاتە چارەسەكرن.
ئەندازیار ئارام جەلال، رێڤەبەرێ كارەبا ئامێدیێ بۆ رۆژناما ئەڤرۆ دیار كر، ژ ئەگەرێ شۆرتەكی د كێبلێ رۆناهیێ دا ل سیریێ رۆناهیا وێ كۆمەلگەهێ ژ كار كەفتبوو و گۆت: “تیمێن بنگەهێ سەخبێریا كارەبا شێلادزێ رابوون ب گوهۆڕینا كێبلێ ناڤهاتی و ئەو ئاریشە هاتە چارەسەكرن”.
ناڤهاتی دیار ژی كر، رۆناهیا پشكەكا جۆتسایدێ شێلادزێ بۆ كۆمەلگەها سیریێ ل سەنتەرێ ناوچەداریا شێلادزێ ژی تێكچوو بوو و ژ كار كەفتبوو، ب گوهۆڕینا كێبلێ روناهیێ ل ناڤەندا رێكێ ل نێزیك تاخێ كوكەرییا ئەو ئاریشە ژی هاتە چارەسەركرن و نوكە باراپترێ ژ رۆناهیا ناوچەداریا شێلادزێ هاتیە چارەسەركرن و یێن مایی ژی دێ هێنە سەخبێركرن.
