ئاریشا پڕۆژه‌یێن وه‌لاتیان پشكداری تێدا كری و تمام نه‌بووین دێ هێته چاره‌كرن
ئه‌ڤرۆ:
لژنا ئاڤه‌دانكرن و وه‌به‌رهێنانێ ل په‌رله‌مانێ كوردستانێ و ده‌سته‌یا وه‌به‌رهێنانێ بزاڤان بۆ ڤه‌دیتنا چاره‌سه‌ریێن پێدڤی بۆ وان پرۆژێن ئاكنجیبوونێ دكه‌ن یێن وه‌لاتیان ب گوژمه‌كێ پاره‌ی پشكداری تێدا كری و هه‌تا نوكه نه‌هاتینه تمامكرن.
ب مه‌ره‌ما چاره‌سه‌ركرنا هه‌ژماره‌كا ئاریشێن پرۆژێن ئاكنجیبوونێ و راستڤه‌كرنا ئێكێ یا یاسایا وه‌به‌رهێنانێ، شانده‌كێ لژنا ئاڤه‌دانكرن و وه‌به‌رهێنانێ ل په‌رله‌مانێ كوردستانێ ب سه‌رۆكاتیا هاورێ مه‌لا ستار، سه‌رۆكێ لژنێ و ب ئه‌ندامه‌تیا جێگرێ سه‌رۆكێ لژنێ و هه‌ژماره‌كا ئه‌ندامێن لژنێ، سه‌ره‌دانا ده‌سته‌یا وه‌به‌رهێنانێ ل هه‌رێما كوردستانێ كر و ل گه‌ل دكتۆر محه‌مه‌د شوكری، سه‌رۆكێ ده‌سته‌یا وه‌به‌رهێنانێ و پشكه‌كا رێڤه‌به‌رێن گشتی یێن ده‌سته‌یێ كۆمبوون.
هاورێ مه‌لا ستار، سه‌رۆكێ لژنا ئاڤه‌دانكرن و وه‌به‌رهێنانێ ل په‌رله‌مانێ كوردستانێ خویا كر، ئه‌و د بزاڤێن به‌رده‌وام دانه بۆ ڤه‌دیتنا چاره‌سه‌ریێن پێدڤی بۆ وان پرۆژێن ئاكنجیبوونێ یێن وه‌لاتیان ب گوژمه‌كێ پاره‌ی پشكداری تێدا كری و كاركرن د وان پرۆژان دا هاتیه راوه‌ستاندن و هه‌تا نوكه نه‌هاتینه تمامكرن و گۆت: “ل پارێزگه‌ها دهۆكێ چار پرۆژه و ل پارێزگه‌ها هه‌ولێرێ پێنج پرۆژه و پارێزگه‌ها سلێمانیێ ژی پرۆژه‌یه‌ك هه‌نه و هه‌تا نوكه نه‌هاتینه تمامكرن”.
گۆتژی: “دووڤچوونا بجهئینانا ئه‌و پێكهاتێن خزمه‌تگوزاری، ئه‌وێن وه‌به‌رهێنه‌ران د ناڤ پرۆژێن یه‌كه‌یێن ئاكنجیبوونێ دا دروست نه‌كرین، یان دروستكرین و ژ به‌ر هه‌ر ئه‌گه‌ره‌كێ هه‌بیت، هه‌تا نوكه حوكمه‌تێ وه‌رنه‌گرتین و به‌روڤاژی، لێپرسینا یاسایی به‌رامبه‌ر دی َهێته كرن”.
