ئاریشەیێن نڤیسینگەهێن ئەرد و خانیان ل دهۆكێ هاتنە چارەسەركرن
ب مەرەما چارەسەركرنا ئاریشەیێن نڤیسینگەهێن كڕین و فرۆتنا ئەرد و خانیان، د. عەلی تەتەر، پارێزگارێ دهۆكێ دوهی سپێدەهیا رۆژا سێشەمبی 30/5/2023 پێشوازی ل بژار خالد، ئەندامێ پەرلەمانێ كوردستانێ و د. كەمال وەرتی، رێڤەبەرێ گشتی یێ باجێ ل وەزارەتا دارایی یا حكومەتا هەرێما كوردستانێ كر.
د هەڤدیتنەكێ دا ب بەرهەڤبوونا جێگرێ پارێزگاری و رێڤەبەرێ گەنجینەیا پارێزگەها دهۆكێ و رێڤەبەرا باجا ئاڤاهیان باس ل گلە و گازندە و تێبینیێن خودانێن نڤیسینگەهێن كڕین و فرۆتنا ئەرد و خانیان هاتە كرن و پشتی دانوستاندنێ ل دۆر یاسا و رێنمایان لایەنێن پەیوەندیدار ل گەل نوونەرێن خودانێن نڤیسینگەهان كۆمبوون.
د كۆمبوونێ دا رۆهنكرنێن پێدڤی ژ لایێ رێڤەبەرێ گشتی یێ باجێ ل هەرێما كوردستانێ و ئەو ئاسانكاریێن ل دووڤ یاسایێ و رێنماییان هاتینە ئەنجامدان هاتنە بەحسكرن.
