ئاڤەروو دبیتە ئەگەر وەلاتیێن کومەلگەھەکێ مالێن خوە چوول بکەن
ئەڤرۆ نیوز، عەلی حاجی :
سەروکێ باژێرڤانیا ناحیا رزگاری د داخویانیەکێ دا بۆ ئەڤرۆ نیوز دیار کر ل کومەلگەھا خێلەخێ ژبەر ھاتنا وەرزێ زڤستانێ و ژئەگەرێ ھەبونا ئاڤەروویەکێ،گەلەک ھاولاتیێن وێ کومەلگەھێ توشی زەرەر و زیانێن مەزن دبن و مە داخازا چێکرنا وان ئاڤەروویان کری یە ژ لایەنێن پەیوەندیدار .
زێدەتر نیھاد سەلیم گوت : ژبەر ھەبونا ئاڤەروویەکێ دناڤ کومەلگەھا خێلەخێ دا،گلەەک مالێن لبە ر لێڤێن وێ ئاڤەروویێ سالانە توشی چەند و زەرەو زیانان دبن و سالانە ژی ئاڤ دچیتە دمالێن وان ڤە، ل وەرزێ بوھارێ یا سالا بوری ژبەر ھاتنا رێژەیەکا زور یا بارانێ ، ھاولاتیێن مالێن وان نێزیکی وی ئاڤەروویێ مالێن خوە ھێلان ب مەرەما پاراستنا گیانێ خوە، ب راستی وێ ئاڤەروویێ سەرگێژەیەکا مەزن بو مە و وان ھاولاتیان دروست کری یە، چەندین جاران ژی ھاولاتیێن وێ کومەلگەھێ داخازا دروست کرنا وێ ئاڤەروویێ کری یە و ھەتا نوکە نەھاتیە دروست کرن ژبەر کو دشیانێن مەدا نینە و ئەو کومەلگەھە ژی نەدسنورێ باژێرڤانیا مەدایە .
گوت ژی : دئەڤ سالە دا مە ئێخستیە دناڤ پلانێن خوەدا و ئێک ژ پروژەیێن دەست پێکی یە، لەورا ھەکە رازیبون ل سەر ھاتە دان،نێزیکی 100 مەتران یا وێ ئاڤەروویێ دێ ھێتە جیدار کرن و ئێدی ھاولاتی ژی دێ ژوێ چەندێ ھێنە رزگار کرن و مەترسی نامینیت،لەورا بۆ دروست کرنا وێ ئاڤەروویێ مە داخازا 20 ملیون دیناران کری یە ، ئەم چاڤەرێ نە رازیبون ل سەر بھێتە دان ژبەریا ھاتنا وەرزێ زڤستانێ و دەست پێکرنا بارانان .
