ئاڵدار خه‌لیل: سازشا ل دۆر هێزا شه‌رڤانێن(YPG ) قه‌بوول نینه
ئه‌ڤرۆ نیۆز:
سه‌باره‌ت ب دانوستاندنێن نها دناڤبه‌را جڤاتا كوردێن رۆژئاڤایا كوردستانێ كو ل پارێزگه‌ها دهوكێ دهێنه ئه‌نجامدان، نوونه‌رێ خرَڤه‌بوونا دیموكراتى ئالدار خه‌لیل راگه‌هاند، ب ئارمانجا گه‌هشتنا شێوازه‌كى و دانانا مه‌رجه‌عیه‌ته‌كا نوو بۆ نوونه‌ریا رۆژئاڤایا كوردستانێ دانوستاندن دبه‌رده‌وامن.
ئالدار خه‌لیل ئه‌و چه‌نده ژى نه‌ڤه‌شارت و گۆت: رێككه‌فتنا هه‌ولێرێ و خالێن د ناڤبه‌را هه‌موو ئالیان دا هاتینه به‌حسكرن ل گۆڕ ره‌وشا نها نا گونجن، چونكى نها ره‌وش هاتیه گوهۆڕن و دڤێت ل گۆڕ مه‌رجێن وێ دڤێت گوهوڕین هه‌بن بۆ رێككه‌فتنێ ل دۆر مه‌رجه‌عیه‌تا كوردى ل رۆژئاڤا یا كوردستانێ و ئاماژه‌دا راگه‌هاندنا ب رێڤه‌برنا ئۆتونومیێ.
هه‌روه‌سا خه‌لیل راگه‌هاند، برێڤه‌برنا نها یا بوویه دورهێله‌ك و نابیت بهێته پشتگوهخستن و زێده‌گاڤى ل سه‌ر بهێنه كرن، ده‌رگه‌هێ وێ ل هه‌مبه‌رى هه‌ر كه‌سه‌كى یا ڤه‌كریه كو بڤێت رۆلێ خوه ل كوردستانێ بگێریت.
ل دۆر دامه‌زراندنا هێزه‌كا له‌شكرى یا هه‌ڤپشك، خه‌لیل ئاشكراكر، چو گه‌نگه‌شه ل سه‌ر ڤى بابه‌تى ناهتینه كرن، دیاركر، یه‌كینه‌یا پاراستنا گه‌ل هێزه‌كا رێكخستى یه و ده‌رگه‌هێ زێ دڤه‌كرینه بۆ هه‌موو ئالیه‌كێ بڤێت بهێنه دناڤ رێزێن هێزا له‌شكرى دا و سازشا ل سه‌ر وێ هێزێ ناهێته قه‌بوولكرن.
