ئـەمـریکا هـۆشداریێ ددەتە رۆسـیایێ
وەزیرێ دەرڤە یێ ئەمریکا راگەهاند کو نها گەلەک سەربازێن کۆریا باکور ل گەل سەربازێن رۆسیا پێکڤە شەڕێ ئۆکرانیایێ دکەن و نها رۆسیا دڤێت چەندین رێککەفتنێن نوو یێن سەربازی ل گەل کۆریا باکور ئیمزا بکەت دا بشێت ب هزاران سەربازێن دی ژ کۆریا رەوانەی بەرەیێن شەڕی ل ئۆکرانیایێ بکەت.
ئانتۆنی بلینکن ئەو یەک ژی دیار کر رۆسیا دڤێت تەکنۆلوجیا پێشکەفتی یا چەکی بدەتە کۆریا باکور، بێگومان ئەو یەک دێ مەترسیەکا خوە یا مەزن بۆ هەموو جیهانێ هەبیت و دڤێت رۆسیا خوە ژ کارەکێ وەسا دوور بکەت.
ناڤهاتی داخواز ژ هەموو وەلاتێن ئەندامێن ناتۆیێ ژی کر کو ل هەمبەر مەترسیا رۆسیا خوەدان هەلوەست بن، چونکی بهێزبوونا رۆسیا دێ بیتە مەترسیەکا مەزن ل سەر هەموو وەلاتێن ئەندامێن ناتۆ ب تایبەتی ژی وەلاتێن ئێکەتیا ئۆرۆپا.
