هاته نووكرن: 300ملیۆن دۆلار دزین و برایێ وى ژ خیلافه‌تێ هاته لادان
ئه‌ڤرۆ نیۆز:
ل گۆڕ هنده‌ك مالپه‌رێن تۆڕا ئه‌نترنێتێ و پشڤانێن داعشێ ل سه‌ر زارێ په‌یڤدارێ ب ناڤێ چه‌كدارێن داعشێ محه‌مه‌د ئه‌لعه‌دنانى دوپاتكرن، جڤاتا شورایا داعشێ بریارا لادانا ئه‌بو به‌كر به‌غدادى ژ سه‌ركرداتیا داعشێ و نه‌مانا خیلافه‌تا وى ژى دایه، و كه‌سه‌كێ سعودى ل جهێ وى هاتیه دانان، به‌لێ نه‌ڤیا ناڤێ وێ ئاشكرا بكه‌ت.
محه‌مه‌د ئه‌لعدنانى هه‌روه‌سا خوه‌یاكر، ئه‌و كه‌سێ ل مه‌یدانا شه‌رى ب ره‌ڤیت و پشته‌ڤانیا موسلمانان نه‌كه‌ت، نه خلیفه و چو باوه‌ریا خیلافه‌تێ ژى ب وى نامینیت، ل گۆڕ دیتنا وى.
هه‌روه‌سا په‌یڤدارێ چه‌كدارێن داعشێ ئاماژه‌دا، مه‌یدانا شه‌رى یا تژى سپرایزه و دڤێت جهێن ڤلاهى تێدا ئه‌م نه‌هێلین، دڤێت ئه‌م پشته‌ڤانیا خه‌لكێ سونه بكه‌ین، ل گۆڕ پێدڤیێن شه‌رعى له‌ورا مه پێرۆزباهى و موبایه‌عا خه‌لیفه‌كێ نوو كریه و ل رۆژێن بهێت دێ ناڤێ وى ئاشكرا كه‌ین.
ژئالیه‌كێ دیڤه هنده‌ك ژێده‌رێن وه‌لاتێ توركیا یێن نێزیكى چه‌كدارێن داعشێ دوپاتكرن، برایێ ئه‌بو به‌كر به‌غدادى و ئه‌میندارێ گشتیێ چه‌كدارێن داعشێ ل ده‌ستپێكا هه‌یڤا چریا ئێكێ دیار نینه، كو دهێته زانین برایێ ئه‌بو به‌كر به‌غدادى ره‌ڤیه و پتر ژ 300 ملیۆن دۆلاران بۆ بازرگانێن وه‌لاتێن كه‌نداڤى ل گه‌ل خوه برینه، و چه‌كدارێن داعشێ دبێژن نێزیكى 2000 چه‌كدارێن تیرۆرست ل عیراقێ و سوریا هاتینه كوشتن.
هه‌روه‌سا رونكرن، ئه‌میندارێ گشتیێ به‌غدادى عه‌لى ئه‌لحمودنى و برایێ وى جومعا عه‌واد البدری هه‌ر دو ره‌ڤینه و پتر ژ 300 ملیۆن دولاران ل گه‌ل خوه برینه، سه‌باره‌ت هژمارا كوشتیان ژى گۆت: ل باژێرێ ره‌قه 70 كوشتى و كوبانێ 750 كوشتى و دێر الزۆر 100 كوشتى و جرف ئه‌لسه‌خر 600 كوشتى و زوما و ده‌شتا موسل 200 كوشتى و سه‌لاحدین 50 كوشتى و دیالا 100 كوشتى و دوروبه‌ێن به‌غد 45 كوشتى بوون.