ئه‌بو به‌كر به‌غدادى ژ پێشمه‌رگه‌ى د ترسیت
ئه‌ڤرۆ نیۆز:
ئه‌فسه‌ره‌كێ له‌شكرێ عیراقێ یێ به‌رێ كو خه‌لكێ مووسله دوپاتكر، هه‌ر ژ ده‌مێ ئه‌بو به‌كر به‌غدادى خیلافه‌تا خوه راگه‌هاندى و داخوازا موبایه‌عى ژ خه‌لكى كرى، كه‌سه‌ك ژ خه‌لكێ مووسل ب باوه‌رى نه‌گه‌هشتیه داعشێ،هه‌روه‌سا دیاركر ل گۆڕ پێزانینێن هه‌والگیرى ژ ئالیێ هنده‌ك هه‌ڤالێن پشته‌ڤانیا داعشێ دكه‌ن، باره‌گایێ سه‌ره‌كیێ به‌غدادى ل باژێرێ ره‌قه یێ سورى یه نه‌ك ل باژێرێ مووسل، ئه‌و هاتیه بتنێ گۆتارا خوه ل مووسل بخوینیت و هه‌ر وى ده‌مى ژى مووسل ب جه هێلایه.
ئه‌فسه‌رێ به‌رێ یێ له‌شكرێ عیراقێ هه‌روه‌سا بۆ رۆژناما (شه‌رق ئه‌لئه‌وسه‌ت) گۆت: ئه‌بو به‌كر به‌غدا ئێدى ل گه‌ل كاروانێن ترۆمبێل و زێره‌ڤانێن تایبه‌ت نا گه‌ریت كو سه‌رنجا یێن به‌رانبه‌ر بهێته راكێشان، به‌لكى رێیێن فێلبازى و ژیرانه بكار دئینیت، چونكى ئه‌و باش دزانیت ئه‌و ئارمانجه‌كا پڕ بهایه، له‌روا هه‌ر لڤینه‌كێ ب پلان و ته‌كتیكه‌كا مه‌زن دكه‌ت.
ئه‌فسه‌رێ عیراقێ ئه‌و چه‌نده ژى نه‌ڤشارت و گۆت: به‌غدادى گه‌له‌ك ژ كوردان و پێشمه‌رگه‌ى د ترسیت و چو هزا بۆ ده‌زگه‌هێن ئێمناهیا عیراقێ ناكه‌ت، ب باوه‌ریا من هه‌كه وى بڤێت دێ چیته د ناڤا به‌غدا دا و جاره‌كا دى دێ ڤه‌گه‌ریت، به‌لێ ئاسته‌نگا هه‌ره مه‌زن د رێیا وى دا پێشمه‌رگه‌ى.
