ئه‌ردۆغـان: دەرگـەهێ مـە بۆ بەشاری هـەردەم ڤەکـریە
ره‌جه‌ب ته‌یب ئه‌ردۆغان سه‌رۆک کۆمارێ تورکیا به‌ری ده‌ست ب سه‌ره‌دانا خوه یا بۆ وه‌لاتێن که‌نداڤی بکه‌ت ل فرۆکەخانێ راگه‌هاند کو نها د رۆژه‌ڤا وان دا بهێزکرنا په‌یوه‌ندیێن ل گەل وه‌لاتێن عه‌ره‌بی و که‌نداڤی هه‌یه و گۆت: (د ره‌وشا نها دا په‌یوه‌ندیێن مه ل گەل وەلاتێ قەتەرێ د ئاسته‌کێ گه‌له‌ک بلند دانه و دخوازین ل گەل سعوودیێ و ئیماراتێ ژی په‌یوه‌ندیێن خوه گەلەک باش بکەین).
سه‌رۆک کۆمارێ تورکیا هه‌روه‌سا راگه‌هاند ژی کو وان چو ده‌مه‌کێ ده‌رگەهێن خوه بۆ سووریێ دانه‌ئێخستینه و ده‌رگەهێ تورکیا هەردەم ژ بۆ سه‌رۆک کۆمارێ سووریێ به‌شار ئه‌سەدی ژی ڤه‌کریه و گۆت: (ئه‌م ژ دل دخوازین ل گەل سووریێ دەست ب قۆناغەکا نوو بکەین و پەیوەندیێن خوە باش بکەین، ژ بەر هندێ ژی هەردەم دەرگەهێ تورکیا بۆ بەشار ئەسەدی ڤەکریە، مە بەری نها چەندین جاران خواست ئەم ل گەل سووریێ پەیوەندیێن خوە ئاسایی بکەین، لێ سووریێ دڤێت ئەم هێزێن خوە ڤەکێشین، جارێ رەوش بۆ هندێ یا گونجای نینە، چونکی دەولەتا سووریێ ژی باش دزانیت ئەم ژ بەر شەرێ ل دژی تیرۆرێ ل سووریێ نە و هەتا تیرۆر ب دووماهی نەهێت دێ هێزێن مە ل ئاخا سووریێ مینن).
