ئه‌ركێن ژنان د ناڤ داعشێ دا
ئه‌نجامدانا ره‌فتارێن توندره‌وی و وێرانكرن و كوشتن و ره‌ڤاندن و سه‌ردابرن د ناڤ تاوانكاریێن داعشێ دا ب تنێ زه‌لام به‌رپرس نینه، به‌لكو پشكه‌كا هه‌ری مه‌زن ژ وان تاوانان ژ لایێ ژنان ڤه دهێته‌كرن كو مه‌ترسی د ڤێ ئێكێ دایه.
ئه‌و رۆژا داعش درۆستبووی ئافره‌ت وه‌كو ره‌گه‌ز و پێكهاته‌كا سه‌ره‌كی هاته ده‌ستنیشانكرن بۆ راكێشانا گه‌نجان د ڤانا رێزێن خوه دا ب تایبه‌تی ل تۆرێن په‌یوه‌ندیان كو رۆلێ هه‌والگیریێ دگێرن ژ بلی كارێ بانگخوازی و رێڤه‌برنا مالپه‌رێن سه‌ره‌كیێن داعشێ و به‌لاڤكرنا به‌لاڤۆكێن بێ ره‌وشتیێ و راهێنانكرنا كچان كو ئه‌ڤ ئێكه ژی ژ كارێن هه‌ری مه‌ترسینه نها ل جیهانێ.
ل گه‌ل دروستبوونا داعشێ هزر د درۆستكرنا كه‌تیبه‌كا كچان ژی هاتیه‌كرن ب ناڤێ “خه‌نس و ئوم ره‌یحان” كو ل سووریا هاتینه دروستكرن و ئه‌ركی َوان به‌لاڤكرنا شه‌ریعه‌تێ ئیسلامێ یه ل گور بنه‌مایێن وان داناین ب تایبه‌تی د پشكنینا ئافره‌تێن بالاپوش و تێكه‌ل نه‌بوونا وان دگه‌ل توخمێ نێرینه.
مه‌زنترین و مه‌ترسیدارترین ئه‌ركێ ژنێن داعش جیهادا نیكاحێ یه ژ به‌ركو ژ بوو گه‌هشتن ب جیهادا نیكاح هزاران گه‌نج گه‌هشتینه د ناڤ رێزێن داعشێ دا كو جیهادا ره‌سه‌ن كو جیهادا شه‌ری یه.
هنده‌ك ژ ژنێن داعشێ سێكس ل گه‌ل پتری 100 زه‌لامان كریه ب ناڤێ جیهادا نیكاحێ و ب ناڤوده‌نگترین ژنێن داعشێ كو ب كارێ جیهادا نیكاحێ و سه‌رپه‌رشتیكرنا كچان دكه‌ن زێده‌باری كو ئه‌و بخوه رۆلێ سه‌ره‌كی دگێرن د جیهادا نیكاحی دا (دایكا میقداد، دایكا موهاجیر، خوشكا جه‌لبی، دایكا له‌یس، دایكا حاریسه، سه‌لما، زه‌هرا كو جێمكه‌كێ سومالی یه)، جیهادا نیكاح ل چو ده‌م و زه‌مان و سه‌ره‌مان دروست نه‌بوویه و پێغه‌مبه‌ری سلاڤ لێ بن چو فه‌رمان نه‌كرینه كو ئه‌ڤ ئێكه بهێته‌كرن ژ به‌ركو نیكاحا جیهادی كو د ره‌سه‌ندا نه‌یا شه‌رعی یه دبیته سه‌ده‌ما به‌لاڤبوونا نه‌ساخیێ و په‌یدابوونا ئێش و ئازاران د ناڤخوه‌یا ژنان و هه‌تككرنا كچان كو ئه‌ڤ یه‌ك ژی ل ئاینده كارتێكرنان ل ژنان دكه‌ن و دبیته سه‌ده‌م چو بنه‌مایێن هه‌ڤژینێ پشتی درۆستبوونا بارودوخێ سیاسی ل سه‌ر وان درۆست نابن زێده‌باری كو ئه‌ڤ یه‌ك بنه‌مایێن مروڤایه‌تی پوچ دكه‌ت و كه‌رامه‌ت و نامووسا هنده‌ك زه‌لامێن بێ گونه‌ه تێكدده‌ت كو د ده‌مه‌كێ دا ئیسلامه‌تی رۆله‌كێ سه‌ره‌كی گێرایه بوو دروستكرنا بنه‌مایێن مرۆڤاتیێ و ره‌وشیێ و ژیانا ده‌می كریه ژیانه‌كا رێخستی و به‌رده‌وام.
دیسا داعش هنده‌ك كچان ده‌سته‌سه‌ر دكه‌ن كو جیهادا نیكاحێ پێ بكه‌ن ب تایبه‌تی كچێن جوان و ئه‌وان كچان ژی ئه‌ڤ جیهاده پێ خوش نینه و د ده‌مه‌كێ دا كو چو رامانێن جیهادبوونێ بوو وی كه‌سی نامینن یێ كو ژدل كار بوو سه‌ركه‌فتنا جیهادێ بۆ روویێ خودێ نه‌كه‌ت.
