ئه‌ركێ ئامه‌د و جزیره د كوپا توركیا دا یێ ب زحمه‌ته
ئه‌ڤرۆ، هه‌ژار مه‌عروف:
دوهى ل باره‌گایێ ئێكه‌تیا ته‌پا پێ یا توركى پشكێشانا كوپا توركیا یا ته‌پا پێ بوو یاریێن قوناغا 32 هاته كێشان كو بتنێ دو یانیێن كوردستانا باكور گه‌هشتى نه ڤێ قوناغێ ژ سه‌رجه‌مێ پتر ژ 20 یانێن كوردستانا باكور پشكدارى كر بوو ل ڤاڤارتنێن كوپا دا.
د یاریێن قوناغا 32 دا ئه‌ركێ هه‌ردو یانیێن كوردستانى ب سانه‌هى نابیت تایبه‌ت یێ یانا جه‌زیره سپور ئه‌وا ئێكه‌م جاره د گه‌هیته ڤێ قوناغێ كه‌تیه د كوما هه‌شتێ دا ئه‌وژێ پێكهاتیێ یه ژ هه‌ردو یانیێن سوپر لیگا توركیا كونیا سپور و گه‌نچلیبه‌رى سپور زێده‌بارى یانا گیرسون دخولا پلا ئێك دا و نووێنه‌را دوێ تیما دیاربه‌كر به‌لدیه سپور ئه‌وا نوكه ناڤێ خوه گوهورتى بناڤێ ئامه‌د سپور ئه‌ركێ وێ ژێ یێ ب سانه‌هى نابیت كو كه‌ڤتیه د گه‌ل هه‌لگرا ناسناڤێ كوپا توركیا یا وه‌رزێ بورى یانا گه‌لاته‌سه‌راى و یانا ئه‌سكیشهیر سپور دخولا پلا نایاب دا كه‌ن ل گه‌ل یانا یاشام ئه‌وا دخولا پلا سێ دا یاریێ كه‌ت
دهێته زانین تیما ئامه‌د سپور دخولا پلا دو دا یاریێ كه‌ت و تیما جزیره سپور دخولا بالیگى لیگدا كه‌ت ئانكو دبیته خولا پلا چوارێ ل سه‌ر ئاستێ وه‌لاتێ توركیا كو دبیته ئێكه‌م یانا د مێژویا ته‌پا پێ یا توركى دا ژ بالیگى لیگ ب گه‌هیته ڤێ قوناغێ.
