ئه‌رێ.. . كا مووچه‌ی!!
نزانم خه‌لكێ مه هزرا چ بكه‌ت و خه‌می بۆچ بخۆت و بۆ چ نه‌خۆت؟ ئه‌ڤه مه چه‌ندا مامۆستایه‌كا هزر كر بوو هه‌كه مووچه هاتن و دروستبوون، هه‌وه‌كا كۆمكرنا شیر جلكان بۆ بچووكێن هه‌ر كه‌مپكێ بیت بكرن، چونكو مه دڤیا كاره‌كێ مه‌زن بكین مووچه نه‌هاتن و هنده‌ك ژ وان گۆت هه‌تا مووچه بیت مامۆستا پاشی. ئه‌رێ باشه ئه‌ڤ مه‌له‌ت چ بكه‌ت ژ لایه‌كی ڤه خه‌ما شنگالێ بخۆت، یان یا ئاواره‌یان بپرسیت، یان شه‌هیدان، ب راستی ئه‌و ب هێزین و مه زۆر لایه‌ن هه‌نه د ژیانا وه‌لاتیان دا، كه‌فتینه ناڤ كێشان ژبه‌ر بێ مووچه‌یێ. بۆچی حوكمه‌تا به‌غدا قومارێ ب مه دكه‌ت ((و دێ فریكه‌ت.. نا فریكه‌ت.. دێ فریكه‌ت نافرێكه‌ت)) هه‌تا ب چافێن خوه نه‌بینن مووچه ل هه‌می هه‌یڤان دهێت كه‌س باوه‌ر ناكه‌ت، دێ رێیا خوه یا راست وه‌رگریت، ئه‌م دزانین مه كێشێن ساسیی و ئابووری هه‌نه. ب تنێ من دڤێت بێژم ئه‌ڤه روودده‌ت ژ ڤالاهیه‌كا سیاسی، نه‌چێبوویه، مه پێویستی ب خه‌لكێ خوه هه‌یه تێبگه‌هینن. ئه‌ز ل ڤێری كه‌سی یان حزبا هه‌نی نا ئێخمه به‌ر پرساتیێ ژ ڤی كاودانی، به‌لكو تێكرایا بارێ سیاسی و هه‌بوونا گه‌ندلیێ و شه‌ڕێ حزباتیێ مه پێدڤی ب پرۆژه‌كێ سیاسی هه‌یه، ئه‌م ئێك بین هه‌تا بشێین مووچێ وه‌لاتیێ كوردستانی بێ به‌غدا دابین بكه‌ین. بلا منه‌تان ل مه نه‌كه‌ن. ئه‌و پرت و به‌لاڤیا و نه‌بوونا ئێكریزیا ل ناڤمالیا سیاسی ل كوردستانێ كو كه‌هشتبوو لۆتكه‌یا خوه وه‌كریه هه‌تا ئه‌ڤرۆ ل ناڤ شه‌ڕی ژی دا ئێكه‌تی دبێژیت: من فلان ده‌ڤه‌ره ستاند و پارتی بێژیت مه فلانه ده‌ڤه‌ره كونترۆلكر به‌سه ئه‌ڤ تراژیدیا بلا بدووماهی بێت، بلا كه‌س مزایداتان ب خه‌لكی نه‌كه‌ن پا ئه‌و كه‌سێن بووینه ملیاردێر ب پارتی و ئێكه‌تی بۆ ناچن خیرێن خوه دابه‌شكه‌نه ل سه‌ر ئاواران، بلا ده‌نگێ مه ئێك بیت، نه‌ك ئه‌ڤه یاریا سیاسی، بلا به‌س بیت، ئه‌م چ جاران ناهێنه مه‌به‌ستا خوه هه‌كه ئێك نه‌بووین، بلا دابه‌ش بوونه مه ل سه‌ر حزبا دووماهی پێ بیت ده‌مێ كوردبوونی یه، چونكو ئه‌م ل سه‌ر كه‌لتوورێ سیاسی یێ مه‌زن بووینه ئه‌ڤرۆ ئێك ئێك ژ دایكدبیت ب پارتی و دژیت پارتی و دمریت پارتی یان ئێكه‌تیه و پاش (پیت دكه‌ن وه‌ك داروباری) دبیته گۆڕان هه‌تا ئه‌م هزر ل به‌رژوه‌ندیا نه‌ته‌وه‌ی نه‌كه‌ین ئه‌م نه‌شین ببینه ئێك و نه‌شێین ببینه ده‌وله‌ت و نه‌شین مووچان دابین بكه‌ین به‌سه ئێدی به‌سه وه‌ك بورهان زێباری دبیژیت. .
