ئهزما سیاسی یا كوردستانێ تێگەهـ و شرۆڤه
پشكا دوویێ و دووماهی
د سالار عوسمان
ئهزما سیاسیا كوردستانێ،
رێیێن دهربازبوونێ
وهك پێشتر مهبهحس كرى كو ئیعترافكرن ب ئهزمێ، دهرگههی ل بهر ڕوویێ چارهسهریێ ڤهدكهت، لێ كیژان چارهسهرى و چاوا؟.. بهری كو بهرسڤا (كیژان) و (چاوا) بدهینهڤه، دبیت ئیعترافێ ب وێ ڕاستیا سهلماندی بكهین، كو گرفتێن خولقاندی نهشێن چارهسهریا گرفتان بكهن، كهواته دبیت ڤهپهڕین بۆ بازنهیهكێ دی، بازنهیێ دووێ.. بازنهیێ دوویێ ژى پێكهاتیه ژ وان كهسێن ـ ههكه د ناڤ گرفتان ژی ببوون ـ، وهلێ نه ئهگهرێن گرفتان بوونه، مهبهستا مه چیه ژ ڤێ ئاخفتنێ؟، مهبهستا مه ئهوه بێژین، خهلكهكى وه باوهره ئهوێن نها د حوكمڕانیێ دا، یان ب گشتی د كایهیا سیاسی دا، نهشێن گرفتان چارهسهر بكهن و دبیت خهلكهكێ دیێ نوو بهێت گرفتان چارهسهر بكات)، دیاره ئهڤ هزركرنه ئهگهر د ڕووكهش ژی دا ڕاست بیت، لێ د ناواخن دا و ل گۆری ئهڤ واقعێ سیاسی و جڤاكی یێ ل كوردستانێ ههی، ههڵهیه، شاشیه، ژ بهر چێ ههڵهیه؟!.. ژبهر كو:
١ـ دژی دیمۆكراسیێ یه: چونكی خهلكێ نوو، ئهگهر گهلهك ب شیان ژی بیت، نهشێت بڕیارێن گرنك و بنهڕهتی بدهت، چونكی شهرعیهت ژ خهلكی وهرنهگرتیه، ب رامانهكا دی میكانیزم میكانیزمهكا نهدیمۆكراسی یه.
٢ـ خهلكێ نوو یێ نه سیاسی: پرسیار ئهوه: ئهرێ ئهڤ خهلكێ نوو ل كوردستانێ ههیه، كو ههڵگرێ هیچ ژیبوونهكا سیاسی نهبن و ب كورتی، لایهندار نهبیت؟!..كهواته ب لایهنداری ڤه گرفت چارهسهر نابن، ئهڤه ئهگهر ئاڵۆزتر نهبیت!.
٣ـ ههموو ئهوێن د حوكمڕانی و كایهیا سیاسی دا، نه خهلكێن خرابن: ب رامانهكا دی خهڵكێ خراب، خهلكێ قۆرخكار، خهڵكێ گهندهڵ كهمینهنه نهك پڕانی، كهواته خهلكهكێ زۆر د ناڤ حوكمهتێ دا، د ناڤ پارتێن سیاسی دا، د ناڤ دامهزراوهیێن دی دا خهلكێ باشن و دوور و نێزیك نهكهفتینه د ناڤ خرابیان دا، ئهقڵیهت و شیان و لێزانین و ڕادهی پهرۆشی و خهمخۆریێ و دڵسۆزیا وان ژی د وی ئاستی دایه، كو بشێن گرفتان چارهسهر بكهن، ئهڤه سهرهڕای هندێ ل رێیا دهنگێ خهلكی ڤه هاتینه و شهرعیهتا هندێ ههنه كار بكهن و بڕیار بدهن. كهواته بازنهیا دوویێ، كو دشێین بێژینێ: بازنهیا چارهسهر، ئهو كهسن كو نها د دهستههڵاتێ دانه، بهلێ ب وی شهرتی بڕیار بدهن بازنهیا ئێكێ، بازنهیا گرفتچێكهران دوور و نێزیك خوه نه كهنه د ناڤ شۆل و كاران دا!..
بازنهیا چارهسهر پێدڤیه وێنهكێ دی پێشكهش بكهن، وێنهیێ تێگههشتن د ئهركێن ڤێ قووناغا سهخت و دژوار دا، وێنهیێ تێگههشتنێ ل تاعوونا خرابهكاران، وێنهیا تێگههشتنێ ل خهمێن ڕهوا یێن ههڤوهڵاتیان، دیاره مهبهستا مه ژ چهمكێ ههڤوهڵاتی، ئهو كائینێ كۆمهڵایهتی یه كو بێ نیازێن سیاسی داخوازا ژیانهكا ههژی دكهن.
د دووماهیێ دا دخوازین بێژین: ئهگهر گرفت گهلهك ژی بن، ئهگهر باندۆرێن نێگهتیڤێن ئهزمهیا سیاسیا كوردستانێ ب زیان بۆ تهڤایا ژیانا كۆمهڵایهتی و سیاسی و كلتووری یێن كوردستانێ ژی تهمام بوویه، لێ ههمی دهما ڕێكهك ههیه بۆ دهربازبوونێ، وهلێ گرنك ئهوه ههڤدو نهشكێنین و چهپهرێ سیاسی ل ههڤدو نهگرین، چونكی ب یهكترشكاندن و چهپهرلههڤ گرتن، كو مخابن هندهك حزبان یا كریه پیشه و ڕهفتارێن خوه، نهك ههر نهشێن گرفتهكان چارهسهر بكهین و دهربازبین ژ ڤێ قووناغا سهختا ئهركدار، بهلكی چێدبیت ئهوا ب باشه ژی مای خراب بكهین، كهواته پرسیارا وژدانیا ئهخلاقیا نیشتمانی ئهڤهیه: ئهرێ ئهم ل هیڤیا خرابێێ ینه یان باشێى؟!..
