ئه‌فسه‌ركێ گه‌نده‌ل ل وه‌زاره‌تا ناڤخوه هاته ده‌سته‌سه‌ركرن
ئه‌ڤرۆ نیۆز:
ده‌زگه‌هێن راگه‌هاندێ پێزانینێن ل دۆر ئامر فه‌وجێ هێزا شه‌ش یا د هه‌وار هاتنا به‌غدا و گرۆپه‌كێ ئه‌فسه‌ران ژ ئالیێ وه‌زیرێ ناڤخوه‌یێ عیراقێ محه‌مه‌د ئه‌لغه‌بانى ڤه هاتینه دسته‌سه‌ركرن، ب سه‌ده‌ما گه‌نده‌لیا دارایێ و هه‌بوونا (فه‌زائیان) ئانكو بندیواران ل فه‌وجا شه‌ش یا ناڤبرى.
ژێده‌رێن راگه‌هاندنێ هه‌روه‌سا دوپاتكرن، كو فه‌رمانا ده‌سته‌سه‌ركرنا ئامر فه‌وجێ هێزا شه‌ش عه‌قید ریاز عه‌بدولحسێن و گرۆپێ وى یێ ئه‌فسه‌ران ده‌رخستیه.
وه‌زاره‌تا ناڤخوه‌یا عیراقێ به‌رى نها راگه‌هاندبوو، 25 ئه‌فسه‌ر ب فه‌رمانا دیوانا سه‌رۆك وه‌زیران هاتینه لادان ژ پۆستێن وانا و هنده‌ك هاتینه ڤه‌كوهاستن بۆ رێڤه‌به‌ریا گشتی یا كارگێریا كاروبارێن مرۆڤایه‌تى، هه‌ر به‌رى ده‌مه‌كێ دى كو رێككه‌فتى 1 كانونا ئێكێ سالا 2014 فه‌رمانا 24 سه‌ركرده و فه‌رمانده‌یێن له‌شكرێ ژ وه‌زاره‌تا ناڤخوه‌یا عیراقێ هاتینه خانه‌نشینكرن و ده‌رخستن.