ئه‌مریكا بڕیارا پلانا پێكئینانا له‌شكرێ زێره‌ڤانیا نیشتیمانى یا عیراقێ دا
ئه‌ڤرۆ نیۆز:
سه‌رۆكێ ئه‌مریكى باراك ئۆباما د كومبۆنه‌كێ دا ل گه‌ل ئه‌ندامێن تیما ئێمناهیا نه‌ته‌وه‌ى ل وه‌زاره‌تا به‌رڤانیا ئه‌مریكى (پنتاگون) به‌حسێ نووترین پێشهاتێن شه‌رێ دژى داعشێ ه ستراتیجیا ئه‌مریكى بۆ به‌رسینگرتنا ده‌وله‌تا ئیسلامى ل عیراق و شامێ هاتنه كرن.
كوچكا سپى دبه‌یاننامه‌كێ ارگه‌هاند، هه‌موو پێزانیێن ریارێن له‌شكرى دڤێ دكومبۆنێ دا گه‌هشتنه سه‌رۆك ئۆباماى بۆ به‌رهنگاربوونا تیرۆرستێن داعشێ ل عیراقێ و سوریا.
هه‌ر لگۆڕ وێ به‌یاننامێ ئۆباماى گه‌نگه‌شه‌كا تێر و ته‌سل ل گه‌ل ئه‌ندامێن تیما ناڤبرى و گرنگیا پشته‌ڤانیا بزاڤێن عیراقێ بۆ دوباره ئاڤاكرنا هێزا ئێمناهیا عیراقێ ل گه‌ل پلانه‌كا نوو بۆ پێكئینانا له‌شكرێ زێره‌ڤانیا نیشتیمانى یێ عیراقێ و تێكه‌لكرنا وان ل گه‌ل هێزێن ئێمناهیا ناڤخوه‌ى بۆ شه‌رێ دژى داعشێ.
هه‌روه‌سا كومبۆنێ به‌حسێ گرنگیا پشته‌ڤانیا ئۆپۆزسیۆنا سورى نه‌یا توند ره‌و بۆ هه‌وا دژى داعشێ ل وه‌لاتێ سوریا كرن
دڤێ دكومبۆنێ وه‌زیرێ ده‌رڤه‌یێ ئه‌مریكى جون كیرى و یێ به‌ره‌ڤانیا ئه‌مریكى چیك هیگل و یێ دارایى جاكۆپ لیو و یێ َ ئێمناهیا ناڤخوه‌ى چیه جونسۆن زێده‌بارى شیره‌تكارا سه‌رۆكێ ئه‌مریكى بۆ كاروبارێن ئێمناهیا نه‌ته‌وه‌ى سۆزان رایس و رێڤه‌به‌رێ ڤه‌كۆلینێن فیدرالى(FBI ) جێمس كومى و رێڤبه‌رێ هه‌والگیریا نیشتیمانیا ئه‌مریكى جێمس كلابر ئاماده‌بوون.
