ئه‌و چ پێشنیازه سه‌رۆك كومارێ عیراقێ بۆ هه‌رێمێ ئیناى ؟
ئه‌ڤرۆ نیۆز:
شیره‌تكارێ په‌رله‌مانێ هه‌رێما كوردستانێ دوپاتكر، سه‌رۆك كۆمارێ عیراقێ فۆئاد مه‌عسوم دێ سه‌ره‌دانا هه‌ولێرێ كه‌ت، دیاركر، فۆئاد مه‌عسوم پێشنیازه‌ك ل گه‌ل خوه ئینایه بۆ چاره‌كرنا كێشێن هه‌لاویستى دناڤبه‌را به‌غدا و هه‌ولێرێ دا، زێده‌بارى رێخوه‌شكرنه‌كێ بۆ سه‌ره‌دانا سه‌رۆك وه‌زیرێن عیراقێ حه‌یده‌ر عه‌بادى بۆ هه‌ولێرێ.
شیره‌تكارێ راگه‌هاندنا په‌رله‌مانێ هه‌رێما كوردستانێ تارق جه‌وهه‌ر گۆت: ل گۆڕ راگه‌هاندنا نڤیسینگه‌ها سه‌رۆك كۆمارێ عیراقێ فۆئاد مه‌عسوم پێشنیازه‌ك بۆ چاره‌كرنا كێشێن دناڤبه‌را به‌غدا و هه‌ولێرێ دا هه‌یه، بتایبه‌تى سه‌باره‌ت پێكئینانا حوكمه‌تا حه‌یده‌ر عه‌بادى.
هه‌روه‌سا راگه‌هاند، ل گۆڕ به‌یانناما هه‌ڤپه‌یمانیا كوردستانى 3 هه‌یڤ وه‌كى موله‌ت دانیه حوكمه‌تا عه‌بادى بۆ چاره‌كرنا كێشێن بودجێ و راكرنا دورپێچا ئابوورى و قه‌یرانا په‌ترۆلێ و ده‌ڤه‌رێن كوردستانى یێن ده‌رڤه‌ى هه‌رێما كوردستانێ و مادێ 140 كو د هه‌موو بیاڤان دا هێشتا مه چو پێنگاڤ ژ حوكمه‌تا عه‌بادى به‌ر ب هه‌رێمێ ڤه بۆ چاره‌كرنێ نه‌دیتینه.
