ئه‌ڤرۆ نیۆز ناڤێن ئه‌ندامێن كۆمسیۆنێ به‌لاڤ دكه‌ت
ئه‌ڤرۆ نیۆز:
ژێده‌ره‌كێ په‌رله‌مانێ هه‌رێما كوردستانێ كو نه‌ڤیا ناڤێ خوه ئاشكرا بكه‌ت بۆ ئه‌ڤرۆ نیۆز راگه‌هاند، په‌رله‌مانێ هه‌رێما كوردستانێ د روونشتنا خوه‌یا ئاسایى دا ئه‌ندامێن كومسیۆنا بلندا هه‌لبژارتنا هه‌رێما كوردستانێ ب پڕانیا ده‌نگان په‌سه‌ندكر، هه‌ڤده‌م دیاركر كو ئه‌و ده‌نگدان بۆ جهێ نه‌رازیبوونا هنده‌ك ئالیێن سیاسى وه‌ك لیستا توركمان و كریستیانان.
ژێده‌رێ په‌رله‌مانى هه‌روه‌سا خوه‌یاكر، په‌رله‌مانێ هه‌رێما كوردستانێ ب پرانیا ده‌نگان ئه‌ڤ ناڤه په‌سه‌ندكرن، هندرین محه‌مه‌د، عه‌بدلسه‌مه‌د خزر عه‌بدوللا، ئیسماعیل عه‌لى حه‌مه قادر، شێروان زرار نه‌بى، جوتیار ئاكره‌یى، رێزان حه‌مه ره‌شید كه‌ریم، نه‌هرو سه‌لیم سه‌یاح كورجى.
زێده‌بارى وێ چه‌ندێ ژى گۆت: روونشتن ب 79 ئه‌ندامان هاتیه ب رێڤه‌برن پشتى ئه‌ندامێن توركمان و كریستیانان ژ هولا په‌رله‌مانى وه‌ك نه‌رازیبوونه‌كێ ده‌ركه‌فتین كو ژمارا وان 11 ئه‌ندامن.
