ئه‌ڤه 105 سال بورێن هیشتا دانپێدانا ب جێنوسایدكرنا ئه‌رمه‌نیان نه‌هاتیه كرن
دهۆك، له‌زگین جوقی
نوونه‌رێ ئه‌رمه‌نیان ل خۆلا بوری یا په‌رله‌مانێ كوردستانێ دیاركركو وه‌كو دوهێ 24/4 /1915 ملله‌تی ئه‌رمه‌نیان تووشی جینوسایدكرنێ بوون ل سه‌ر ده‌مێ حكومه‌تا ئوسمانیا د ئه‌نجامدا ملیۆنه‌ك و 500 هزار ئه‌رمه‌نیی بوونه قوربانیی هه‌تا ئه‌ڤرۆ ده‌وله‌تێن جیهانێ دانپێدان پێ نه‌كریه وه‌كو جینوساید.
یروانت نیسان، نوونه‌رێ ئه‌رمه‌نیان ل خۆلا بوری یا په‌رله‌مانێ كوردستانێ ئاشكه‌را كركو هه‌ر سال ل پارێزگه‌ها دهۆكێ چالاكیی ب ڤێ هه‌لكه‌ڤتا دهاتنه گێران لێ ئه‌ڤ سالا ژبه‌ر ڤایرۆسی كۆرۆنا چالاكیێن كۆمكوژیا ئه‌رمه‌نیان ل دهۆكێ نه‌هاته كرن دڤێ كومكوژیێ دا ملیونه‌ك و 500 هزار كه‌سێن ئه‌رمه‌نیی بوونه قوربانیی هه‌تا نوكه ژی دانپێدان وه‌كو جینوسایدا ب كۆمكوژیا ئه‌رمه‌نیان نه‌هاتیه كرن ژلایێ ده‌وله‌تیێن جیهانێ ڤه ئه‌م دخوازێن هه‌موو ده‌وله‌تیێن جیهانێ یێن مافێن مرۆڤی دئاخڤن دانپێدانێ ب جینوسایدا ئه‌رمه‌نیان بكه‌ن داكو چوو جارێن دی ملله‌تێن جیهانێ نه‌هێنه كۆمكوژكرن تووشی جینوسایداكرنێ نه‌بن.
ئه‌وژی دیاركركو ده‌مێ ئه‌رمه‌نیی تووشی جینوسایدێ بووین ل وێ ده‌مێ هزرێن به‌رته‌نگ هه‌بوون نها جیهان هاتیه گوهۆرێن پێدڤیه دانپێدان ب جینوسایدا ئه‌رمه‌نیان بهێته كرن كو وه‌كو ئه‌ڤرۆ 24/4/1915 ملله‌تی ئه‌رمه‌نیی تووشی كۆمكوژی بوون ئه‌ڤی جینوسایدكرنێ بۆ ده‌مێ چه‌ند سالان ڤه‌كیشان.