ئه‌ڤێ بچیت ئه‌و و خودێ. لێ ئه‌ڤێ بهێت دڤێت یێ چه‌وا بیت؟
ژبۆ خاترا زارۆكێن دهۆكێ ئه‌ڤێن نه چ ژ به‌هدینیێ و نه چ ژ سورانیێ چێكری دخواندنا خوه‌دا، ئه‌ڤێن بێ زمان و بێ ئه‌زمان بووینه ماموستا و دكتور و ئه‌ندازیار و ژوان ژی یێ دبنه پرۆفیسور. .. ژ بۆ خاترا وان قوتابیان ئه‌ڤێن خواندن هێلاین و بووینه چنه د باژێریدا، بۆ خاترا بابێن وان ئه‌ڤێن شه‌هید بووین دا جه‌نابێ ته ببیته به‌رپرسێ پێنوسی ل پارێزگه‌هێ! ئه‌ڤێ بهێت كا تو كی؟ و یێ ژكی؟؟ و دێ زارۆكێن مه ل رۆژئاڤا یان ل رۆژهه‌لات به‌رزه‌كه‌ی!؟؟
ئه‌گه‌ر ته خواندنا خوه ل برێتانیا و ئه‌مریكا نه خواندبیت و تو پروفیسور نه‌بی ما بۆ دێ بیێ؟ ئه‌گه‌ر ته 23هزار په‌رتوك نه‌خواندبن و دمالاخوه‌دا نه‌بن بو دێ بیێ؟ ئه‌گه‌ر ته بخوه كه‌سایه‌تییا خوه بده‌ستێن خوه چێنه‌كربیت بۆ دێ بیێ؟ ئه‌گه‌ر ته ماموستایه‌تی نه‌كربیت 30 سالا بۆ دێ بیێ؟ بوچی من و 700000كوردان زارۆكێن خوه ره‌ڤاندن ژ په‌روه‌ردا هنگو؟ و بوچی ل بن په‌روه‌ردا وه‌لاتێن بیانی بوونه مرۆڤ و بوونه كه‌سانێن ژێهاتی و گران د كۆمه‌لێن وه‌لاتێن بیانی دا، و بوچی ئه‌م چ نینین و كه‌رێ په‌زینه د وه‌لاتێ خوه‌دا؟ و ئه‌م دبینه مرۆڤین ل پشت سنوران؟
(ڕێڤه‌به‌رێ پێنوسی) دڤێت ل باخچێن زارۆكان كار كربیت، ل باخچێ گیانه‌وه‌را كاركربیت دا بزانیت مێژكێ زارۆكی چه‌وا فیربوونێ وه‌ردگریت!
ئه‌ڤ پوستێ هه‌نێ هه‌روه‌كێ ره‌ها دلی یا ڕاستێ یه! ئه‌ڤه په‌روه‌رده‌یه و نه یاریێن شه‌ڤێ نه! و هه‌روه‌سا نه حزبایه‌تی یه و نه عه‌شیره‌تكانێ یه! ئه‌ڤ پوسته بۆ كه‌سایه‌تیه‌كا مه‌زنه كو نموونا ڤێ ئه‌زموونێ نه‌بیت! ژبه‌ركو خودێ زێده‌كه‌ت ژ كه‌سان و به‌رهه‌مێ ئه‌زموونێ. ..
دڤێت نموونه‌كا بیانی بیت چ ژ ته‌له‌فونا سیم كارتا و واسته‌یێ و گه‌نده‌لیێ نه‌زانیت! یێ گوندێ من و هنگو نه‌بیت!.
مه‌رجێن مه چنه بۆ وێ كه‌سایه‌تیێ؟: (ژرێزگرتنه‌كا بلند) ناهێنه نڤیسین ب هیچ ره‌نگه‌كی. دبیت تفا سه‌رئه‌ڤراز بیت و دبیت كولكا پاشیێ بیت.
وه‌لاتێن بیانی باوه‌ریێ ب خاندنێن مه ناهینیت! ژبه‌ركو ئه‌م تێست كرین و ئه‌م تاقی كرین و ئه‌م چنه ده‌ركه‌تین! مه چ زانین و علم نه وه‌رگرت ل په‌یمانگه‌ه و زانكویێن كوردستانێ! ئه‌و نوژدارێن نشته‌گه‌ریێن مه‌زن دكرن ل وه‌لاتێ مه ل ئه‌ورۆپایێ ژ پۆلا 13 یێ ده‌سپێ دكه‌ن ب شه‌ڤێ! سه‌ر و ژنووی! نوژدارێ مه‌یێ هه‌تا 150 نشته‌گه‌رییا كری ل دوویڤ ئاستێ ئه‌وروپی نابیت سرنجه‌كێ ژی بۆ نه‌خوشه‌كی بدانیت!!! ئه‌ڤه ڕاستی یه ئه‌زێ دناڤدا لێ ژ پاراستنا مافێن كه‌سایه‌تی نابیت ناڤ بهێنه گوتن.
بوچی به‌رپسێن وه‌لاتی مه ب هه‌ردوو هچكا دره‌قسن ل به‌راهییا قوتابیه‌كێ بوویه (پیلوت) ئانكو فرۆكه‌ڤان یان خواندنه‌كا بلند ژده‌رڤه‌ی وه‌لاتی ته‌مام كربیت؟ ژبه‌ركو نه به‌رهه‌مێ وایه! ئه‌و دزانن ئه‌ڤه به‌رهه‌مه‌كێ ساخله‌مه!، سالانه ب هزاران به‌رهه‌مێ وان یێ خواندنێن بالا ته‌واو دكه‌ن و چ پیته پێدان نینه و دبێ كارن ته‌مه‌نێ خوه هه‌میێ ب بێكاری ده‌ربازكرن!.
سیسته‌م و ڕێڤه‌برن هه‌ر 20 سالا قوتابیان و به‌رهه‌مێ مرۆڤان دورست دكه‌ت بۆ وه‌لاتی!بلا نفشێن بهێن نه‌بنه قوربان وه‌كی مه، بلا نفشێن بهێن تژی زانین بن، بلا ئه‌م هه‌ژی كورسیكا بین و پاشی خوه لسه‌ر بزڤرینین. بلا
عه‌شیره‌تكانێ په‌یوه‌ندی ب وه‌رگرتنا پوستاڤه نه‌بیت، عه‌شیره‌ت د هه‌ژینه و دبه‌رێزن لناڤ چیایا و گوندو و ئاخا خوه!.
بلا ئه‌م ڤان تایێن كۆمه‌لا كوردی تێكه‌لی بابه‌تێن وه‌كی هه‌لبژارتن و وه‌رگرتنا پوستا نه‌كه‌ین ئه‌ڤه كارێ حكومه‌تێ یه و كارێ سیسته‌مێ ده‌وله‌تێ یه. بكورتی ئه‌م چ نینن!.