ئوسترالییەک بوو ڕاهێنەرێ هەلبژارتیێ ئیراقێ
ب فەرمی فدراسیۆنا فوتبۆلا ئیراقێ یێ ئوسترالی گێرهام ئارنۆلد وەكو ڕاهێنەرێ ئێكێ یێ هەلبژارتیێ ئیراقێ دەستنیشانكر ئەوا دێ گرێبەستا وی هەتا دووماهییا كۆپا ئاسیا 2027ێ ب مەرجەكی ڤەكێشیت.
ل دووڤ ژێدەرێن ڕۆژنامەڤانی هەردو لا گەهشتینە ڕێكەفتنێ كو گرێبەستا ڕاهێنەرێ ئوسترالی گێرهام ئارنۆلد دگەل فدراسیۆنا فوتبۆلا ئیراقێ دێ هەتا دووماهییا كۆپا ئاسیا 2027ێ بیت لێ ب مەرجەكی هەكە هەلبژارتیێ ئیراقێ دەربازبوو مۆندیالا 2026ێ، لێ هەكە دەربازنەبوو دێ گرێبەست بەری كۆپا ئاسیا هێتە هەلوەشاندن.
ل دووڤ داخویانییا ڕاهێنەرێ ناڤهاتی ئەو یێ هاتی دێ بزاڤێ كەت هەلبژارتیێ ئیراقێ ب گەهینە موندیالا جیهانی و گۆت: من پێزانین یێن ل سەر هەلبژارتیێ ئیراقێ هەیین بڕێیا دیتنا یاریێن واندا، یاریزانێن خودان شیان یێن هەین و رێزبەندی ژی یا هاریكارە هەكە د هەردو یاریێن بهێت دا ب سەركەڤیت پلێتەكا دەربازبوونێ ب دەستڤە بینن، پێنەڤێت دڤێت ل دووڤ پلانەكێ بچین بشێن د ناڤا یاریگەهێ دا ب گەهینە ئارمانجا خوە، ئەركێ من ب زەحمەتە لێ ب هاریكار و پشتەڤانییا هەموو لایەكی گەشبینن دێ گەهینە وێ هیڤیێ.
