ئومێد ئەحمەد: مە گەلەك ئاستەنگ د وەرزێ ئەڤ سالە دا دەربازكرن هەتا مە مانا خوە پاراستی
هەرهین محەمەد:
د دیدارەكا كورت دا ئۆمێد ئەحمەد جەبار ڕاهێنەرێ تیما فوتبۆلا یانەیا تەناهی دیار كر وەرزێ ئەڤ سالە سەرباری ئاستەنگێن كەڤتینە د ڕێیا واندا ل دووماهیێ شیان مانا خوە د خولا پلا ئێكا كوردستانێ دا ب پارێزین و بۆ وەرزێ بهێت دێ بزاڤێن باشتر خوە بەرهەڤكەن.
زێدەتر ناڤهاتی بۆ رۆژنامەیا ئەڤرۆ گۆت: وەرزێ ئەڤ سالە بوو مە گەلەك ب زەحمەت بوو و كاودانێن جودا ل سەر تیمێ ڕا دەربازبوون، مە گەلەك ئاستەنگ بۆراندن چو ژلایێ دارایی ڤە یان ژی لایەنێ هونەری ڤە تایبەت دەمێ یاریزانەك تووشی هنگاڤتنێ یان دووركەڤتنێ دبیت، ل دەستپێكێ بەرهەڤیێن مە د باش نەبوون و نیڤا وەرزی ژی مە هندەك یاریزان ئینا چار ژ وان پیشەكار بوون و دو ژوان یاریزانان ژی نەمانە ل گەل تیمێ كو ئەڤچەندە ژی تا ڕادەیەكی ئاریشە بۆ تیما مە پەیداكر.
هەروەسان ئۆمێد ئەحمەد گۆت: تیما مە ب پشت گەرمییا یاریزانێن گەنج و خەلكێ پارێزگەهێ دكر ئەو یاریزانێن سەرەكی ژی دەمێ تووشی ئاریشەكێ بان ئێكسەر كارتێكرن ل پلان و ئاستێ تیما مە دكر، لەوما ژی د وەرزێ ئەڤ سالە یا پلا ئێك دا بوو من گەلەك یا ب زەحمەت بوو و هەڤڕكییەكا بهێز دهاتە كرن، چار تیم ب سەر دكەفتن بۆن ایاب و چار تیم پاشڤە دچنە پلا دویێ و بەرهەڤیێن گەلەك یانەیێن پشكدار ژ مە باشتربوون و دبیت بەرهەڤیا مە وەكو یا پێدڤی نەبوو و نە شیاین ئەنجامێن گەلەك باش ب دەستخوە ڤە بینین.
ئومێدی گۆت: دخولا ئیراقێ دا ژلایێ مادی ڤە یا باشە هەتا رادەكی، بەلێ د خولا كوردستانێ چ پارێ وەسا نادەن و ئەڤ چەندە ژی بۆ چەند ئەگەرا ڤەدگەریت و نوكە یانەیێن مە هەموو ب حكوومەتێ ڤە د گرێداینە و چ كومپانی نینن پشتەڤانیێ ل ئەڤێ یانەیێ بكەن و حكومەت ژی وەكو پێدڤی دبیت پارەكی بۆ یانەیان نا مەزێخیت و ژلایەكێ دی ڤە چو دەستكەفتێن مەزن نین هەتا یانە بشێن پارەكێ مەزن بینن.
