ئيران به‌رسينگێ بازارێ ره‌ش دگريت
ئه‌ڤرۆ نيوز، فاتما مزوورى:
ب مه‌ره‌ما به‌رسينگگرتنا بازاڕێ ره‌ش، بانكا ناڤه‌ندیا ئیرانێ ناڤێ وان كۆمپانیا به‌ڵاڤ كرن یێن كو ب بهایێن فه‌رمی كه‌لوپه‌لان هاورده دكه‌ن.
ب گۆره‌يی راگه‌هاندنه‌كا بانكا ناڤه‌ندیا ئیرانێ، هزار و 802 كۆمپانى ب وان بهایێن دراڤان كه‌لوپه‌لان هاورده دكه‌ن یێن كو ژ لايێ ده‌وله‌تێ ڤه هاتیه دیار كرن.
ئه‌ڤ لیسته پشتی نه‌رازیبوونا كاسبكارێن ته‌هرانێ و هه‌روه‌سا پرۆتستۆكرنا بهایێ دراڤان و كێشا ئابوورى ل وی وه‌لاتی دهێت كو هاتینه به‌ڵاڤ كرن.
هاورده‌كرنا كه‌لوپه‌لان ژ لايێ وان كۆمپانیایان ڤه، ب گۆره‌يی بهایێن دراڤێ جێگیر و ساخكرن د بازاران دا ل گۆره‌ی بهایێ دراڤێن بازارێ ره‌شه.
كارڤه‌دانێن وه‌لاتیێن وی وه‌لاتی ل په‌يی خوه ئيناینه. مه‌ره‌م ژ وێ لیستا كو ئه‌ڤرۆ هاتیه به‌ڵاڤ كرن ئه‌وه، رێگری ل وان مفايێن نه ئاسايی بهێته كرن كو ل رێیا بهایێن دراڤی دهێته ب ده‌ست خستن.
