ئۆباما دبێژیت كچێن وی گێولێ وی ڤێ نینه
ئه‌ڤرۆ نیوز: ڤه‌ده‌ر ره‌شاڤایی:
باراك ئۆباما سه‌رۆكێ ئه‌مریكا د هه‌ڤپه‌یڤینه‌كێ دا ل گه‌ل (ََQG) چه‌ند تشتان لسه‌ر خوه و خێزانا خوه ئاشكرا دكه‌ت .
ئۆباما دبێژیت: كچێن وی كو نها سنێله‌نه گه‌له‌ك جوان ژ ئالیێ دایكا وان ڤه هاتینه مه‌زنكرن ، هه‌رده‌م دبێژن باب ئه‌م حه‌ز ژ ته دكه‌ین، لێ نه ب مرۆڤییه ده‌مێ مه‌زن دبن وان ئێدی ده‌مێ مرۆڤی نینه چونكی وان هه‌ڤالێن هه‌ین كو گه‌له‌ك ژ من بۆ وان ب گێول ترن.
ئۆباما ئاشكرا كر كو چ كوران داخازا هه‌ڤالینییا كچێن وی ژ وی نه‌كرییه، بكه‌نیڤه گۆت: لێ هنده‌ك جاران من به‌رێخودانا هنده‌كان بۆ كچێن خوه یێ دیتی ئه‌ز یێ پێ نه‌رحه‌ت بووی، و من یێ گۆتیه زێره‌ڤانا چاڤێ وه لێبیت.”
پرسیار ژئۆبامای هاته‌كرن هه‌كه‌ر ئه‌و لگه‌ل هه‌ڤژینا خوه ده‌ركه‌ڤتبیت و تێله‌فۆنه‌ك بۆ وی بهێت ئه‌و كیش ته‌له‌فۆنه كو نه‌وێریت به‌رسڤ نه‌ده‌ت، ده‌ستهه‌لاتدارترین كه‌سێ جیهانێ نه‌ڤه‌شارت كو هه‌كه‌ر خه‌سیا وی یان كچێن وی و یان سۆزان رایس شیره‌تكارا ئاسایشا نه‌ته‌وه‌ییا ئه‌مریكا بیت دڤێت هه‌ر به‌رسڤ بده‌ت. .
لدۆر پرسیاره‌كا كا هه‌كه‌ر پشتی ده‌مێ سه‌رۆكاتییا وی بداوی دهێت هه‌ڤژینا وی میشێل ئۆباما به‌رنامه‌كێ ته‌له‌ڤزیۆنی پێشكێش كه‌ت دێ بۆچوونا وی چ بیت، ئۆباما گۆت: هه‌كه‌ر وێ وه‌سا بڤێت من چ رێگری نینه كو ئه‌و گه‌له‌ك پارا بده‌ستڤه‌بینیت.”
لدۆر وێ یه‌كێ دێ پتر ژ هه‌می تشتان ژ چ خه‌ریب بیت پشتی ده‌مێ سه‌رۆكاتییا وی بداوی دهێت ئۆباما خویاكر: هێلا ئاسمانییا (وه‌ن) دی یا نه‌خۆش بیت چ گاڤا ته بڤێت هه‌لیكۆپترا ته یا تایبه‌ت یا ئاماده نه‌بیت .
