ئۆكرانیا داخوازا هاریكاریێن بله‌ز دكه‌ت
ئه‌ڤرۆ:
سه‌رۆكێ ئۆكرانیایێ راگه‌هاند كو هێزێن رۆسیا ل هه‌رێما دۆنباسێ ب هه‌موو چه‌كێن پێشكه‌فتی ڤه ئێرش دكه‌ن و ژ به‌ر هندێ ژی دڤێت ئه‌مریكا و وه‌لاتێن ئێكه‌تیا ئۆرۆپا بله‌ز چه‌كێن پێشكه‌فتی بده‌نه مه دا ئه‌م بشێین رێگریێ ل پێشڤه‌چوونێن له‌شكرێ رۆسیا بگرین، چونكو پێدڤیا وه‌لاتێ مه ب چه‌كێن پێشكه‌فتی هه‌یه و دڤێت بله‌ز هاریكاری بگه‌هنه ده‌ستێ مه.
ل ئالیێ دی وه‌زاره‌تا به‌رگریێ یا ئه‌مریكا راگه‌هاند كو ئه‌و دێ موشه‌كێن مۆدێرن ده‌نه ئۆكرانیایێ دا بشێت به‌رگریێ بكه‌ت و هه‌روه‌سا هاریكاریێن ئه‌مریكا بۆ ئۆكرانیایێ دێ ب هه‌موو ره‌نگه‌كێ د به‌رده‌وام بن.
چاڤدێرێن سیاسی ل ئۆرۆپا ژی دیار دكه‌ن هه‌كه رۆسیا د شه‌رێ ل ئۆكرانیایێ دا سه‌ركه‌ڤیت وی ده‌می دێ مه‌ترسی ل سه‌ر هه‌موو ئۆرۆپا دروست بیت، ژ به‌ر هندێ ژی دڤێت هه‌موو وه‌لاتێن ئێكه‌تیا ئۆرۆپا پێكڤه پشته‌ڤانیێ ل ئۆكرانیایێ بكه‌ن و نه‌هێلن ئۆكرانیا تووشی شكه‌ستنێ ببیت.
