ئیران ژ رێككه‌فتنا ئه‌تۆمی بێ هێڤی بوویه
ئه‌ڤرۆ:
به‌رپرسه‌كێ وه‌زاره‌تا ده‌رڤه یا ئیرانێ كو نه‌خواستیه ناڤێ خوه ئاشكرا بكه‌ت بۆ BBC فارسی دیار كریه كو ئه‌مریكا به‌رهه‌ڤ نینه مه‌رجێن ئیرانێ یێن بۆ رێككه‌فتنه‌كا نوو قه‌بوول بكه‌ت و ل هه‌مبه‌ر دا گه‌له‌ك هێز د ناڤ ئیرانێ دا ژی ل دژی هندێ نه ئیران ب ڤی ره‌نگێ نها ل گه‌ل ئه‌مریكا رێككه‌فتنه‌كا نوو ئیمزا بكه‌ت، ب تایبه‌تی ژی به‌رپرسێن سوپایێ پاسداران دیار كرینه هه‌تا ئه‌مریكا سوپایێ پاسداران ژ لیستا تیرۆرێ ده‌رنه‌خینیت نابیت ب چو ره‌نگه‌كێ رێككه‌فتنه‌كا نوو ل گه‌ل ئه‌مریكا بهێته ئیمزا كرن.
هه‌مان به‌رپرسی ئه‌و یه‌ك ژی دیار كریه كو نها ئیران ژ ئیمزاكرنا رێككه‌فتنه‌كا نوو ل گه‌ل ئه‌مریكا بێ هێڤی بوویه و سه‌رۆك كۆمارێ ئیرانێ دڤێت په‌یوه‌ندیێن ئابووری یێن ئیرانێ ل گه‌ل وه‌لاتێن هه‌ڤسو بهێزتر لێ بكه‌ت دا بشێت ره‌وشا ئابووری یا ئیرانێ باشتر بكه‌ت.
