ئینتەر میلان و بەرشەلۆنا دێ چامپیۆنزا ئەڤ شەڤە كەنە ئاگرین
قەیس وەیس:
جەماوەر و پشەڤانێن وەرزشی تایبەت یێن فوتبۆلێ ل هەموو جیهانی ئەڤرۆ ل دەمژمێر 10ێ شەڤ چاڤ ل یاریگەها جۆسێپی میاتزا بین ژبۆ هاندان و دیتنا شەڕەكێ ئاگرین و دیدارەكا ب هێز دناڤبەرا خودانێن ئەرد یانەیا ئینتەر میلان یا ئیتالی و بەرشەلۆنا یا ئسپانی، ژ چارچووڤەیێ یارییا هاتنێ و یا دویێ ژ گەڕا پێش دووماهیێ دەربازبوون بۆ یارییا دووماهییا چامپیۆنز لیگ قارەمانێن ئۆرۆپا.
شەڤەكا ئاگرینە و شەڕ بۆ فینالێ یە
د یارییا ئەڤ شەڤە دا دەلیڤە بۆ هەردو یانەیان بەردەستە ژبۆ ب دەستڤە ئینانا پلێتا دەربازبوونێ، پشتی د یارییا ئێكێ یا چوونێ دا هەردو یانە ل حەفتییا بۆری ل یاریگەها كامپ نوو ب سێ گۆلان وەكهەڤ بووین د یارییەكا دراماتیكی و پری هەڤڕكی دا، بەرشەلۆنا دێ ب زاخەكا بلند هێتە دناڤ یاریگەهێ دا و هەموو هزر و مۆرال و حەز ژبۆ ب دەستڤە ئینانا پلێتا یارییا دووماهیێ و دووڤدا ل یارییا فینالێ دەستڤە ئینا ناسناڤێ خوە یێ شەشێ یە پشتی دووماهی ناسناڤ ل سالا 2014ێ، د بەرانبەر دا خودانێن ئەردی ئینتەر میلان دێ بهێز هێلا هێرشبەرێن خوە و پشت گەرمییا جەماوەرێ شەڕێ پلێتا دەربازبوونێ كەت و ب گەهیتا فینالێ و دووڤدا هزرا دەستڤە ئینانا ناسناڤێ خوە یێ چارێ بیت پشتی دووماهی دەستكەفتێ خوە ل 2009ێ.
دادڤانێن یاریێ كینە؟
فدراسیۆنا فوتبۆلا ئۆرۆپا ڕاگەهاند كو كادرێ دادڤانان دێ ژ وەلاتێ پۆلەندا بیت كو پێكهاتینە ژ سیمۆن مارشینیاك، هەردو هاریكارێن وی تۆماس لیستكیڤێس و ئادەم كۆبسیك و دادڤانێ چارێ راسكۆفیسكی، یێن ژۆرا ڤارێ هولەندی نە پێكهاتینە ژ دێنێس هیگلێەر و پۆب ڤان.
