ئێكەم گوندێ ل دەڤەرێ هاتیە كێمیابارانكرن گـوندێ برجینـی بوو
سالار محەمەد دۆسكی:
1-4
پێشمەرگەیێ شۆڕشا ئیلۆنێ، شەمسەدین ئەحمەد سەعدوللا عومەر برجینی دۆسكی، ل سالا 1952 ل گوندێ برجینی سەر ب ناحیا زاویتە ل دەڤەرا دۆسكی یا ژ دایك بوویە، ل ژیەكێ بچوویك قەستا ناڤ رێزێن شۆڕشا ئیلۆنێ دكەت و دبیتە پێشمەرگە پشتی نسكۆیا سالا 1975 ێ و دەسپێكا سالێن هەشتێ دووبارە چەكێ شەرەفێ هەلدگریت و دبیتە پێشمەرگە ل شۆڕشا گولانێ، ل سالا 1988ێ برایەكێ وی ل ئەنفالان بێ سەرۆ شین دبیت و كورەكی وی پشتی حوكمەتا بەعس كێمیا هاڤیتە گوندێ برجینی شەهید دبیت و ل سەر سنوری دهێتە ڤەشارتن، و پەنابەری وەلاتێ توركیا دبن و پشتی سەرهلدانا پیرۆز ڤەدگەرنە كوردستانا ئازاد.
پێشمەرگەیێ شۆرشا ئیلۆنێ، شەمسەدین ئەحمەد سەعدوللا عومەر، د دیدارەكێ دا بۆ رۆژنامەیا ئەڤرۆ گۆت: دەمێ من فامكری مالێن ل گوندێ مە نێزیكی (15) مالان بوون، ل دەسپێكا ژیانا مە یا گوندان مە كارێ جوتیاریێ و خودانكرنا تەرش و كەوالی ل گەل بابێن خوە كر و دابینكرنا پاریێ ژیانێ، همان دەم ل گەل فامكرن امە بۆ ژیانێ و دەمێ مە پێشمەرگە دیت گەلەك حەز و ڤیانا مە ل سەر پێشمەرگاتیێ بوو چونكە یا ب زەوق بوو بۆ گەنجان.
پێشمەرگەیێ شۆرشا گولانێ، شەمسەدین ئەحمەد سەعدوللا عومەر، زێدەتر گۆت: رۆژەكێ جەعفەر گوندیێ مە بوو گۆت دا بچینە دەف (عەلیێ خەلیل) فەرماندێ هێزا دهۆك و (عەلی) گۆتە: جەعفەر تونە كورێ عەبدوللای؟، گۆتێ: بەلێ ، گۆت: هوون هاتینە چ؟ مە گۆتێ ئەم هاتینە ببینە پێشمەرگە، گۆت تڤەنگا نادەمە هەوە هەرن بۆ بابێن خوە كار بكەن، و ئەم دو شەڤا ماینە ل بارەگایێ وی ل گوندێ گەلناسكێ و ئەوی گۆتە زێرەڤانەكێ خوە هەرە بێژە ئەوا گەنجێن هە بچنە مال ئەم چ چەكی نادەینێ و ئەم بێی دایك و بابێن خوە هاتینە، و كەسەك چ ژ مە نوزانیت، هەر ل وێرێ ئێكی گۆتە مە هەرنە دەف (ئەسعەد خوشەڤی) ل بامەرنێ و ئەم ڕابووین ب پیان چووینە (بامەرنێ) مە (ئەسعەد خوشەڤی) دیت گۆت هەوە خێرە؟ مە گۆتێ ئەم هاتینە مە دڤێت ببینە پێشمەرگە و ئەوی گۆت ئەم نەشێین چەكی ڕادەستی هەوە بكەین، چونكە فەرمان هاتیە چەكی نەدەن و هوون بچویكین و هەرنە مالێن خوە و ئەم سێ شەڤا ماینە ل دەف (ئەسعەد خوشەڤی) ل بامەرنێ بۆ وەرگرتنا چەكی و ئەوی چەك نەدا و هەر گۆت هەرنە مال و هاریكاریا مالێن خوە و دایك و بابێن خوە بكەن، و هوون بچوویكن و ئەم چەند شەڤا ماینە ل بامەرنێ و مە ل گەل زێرەڤانێن وی خارن خوار نوی دەمی بتنێ ئێك چا دامە و مە ڤەدخار، رۆژا دووف دا پێشمەرگەی ئەم ئاگەهداركرین كو پێدڤی یە بچین و چەكی رادەستی مە ناكەن و ئەڤە ژ زار دەڤێ (ئەسعەد خوشەڤی) گەهاندە مە، من گۆتە هەڤالێ خوە جەعفەر ئەم چ بكەین چ نەكەین، گۆت: بخودێ ئەم دێ چینە دەف مەلا مستەفا بارزانی و مە چەك دڤێت و ترۆمبێل نەبوون و ئەم ب پیا چووینە چوومان نێزیكی پێنچ بۆ شەش رۆژان ئەم ب پیان چووین، مە پرسیاركر گۆتن رەشید سندی ل ڤێرە یە و خەلكێ دەڤەرا بەهدینانە و مە گۆت دێ چینە دەف وی و ئەو دێ هاریكاریا مە كەت، كو ببینە پێشمەرگە و ئەم چووینە دەف زێرەڤانێن وی و مە گۆتێ مە دڤێت بچینە دەف مامێ رەشید، گۆت كۆمبوونا هەی و مە گۆتێ مە دڤێت ئەم بینن و دێ چەوا دبینین؟ گۆت كانیەكا ئاڤێ ل ڤێرێ یە و ئێڤاری دێ چیت دەست نڤێژا خوە گریت و هوون دشێن ل سەر كانیكێ ببینن و بڤی رەنگی و ئەم گەلەك ماینە پێ ڤە بینن و ئەوی گۆت ب چ رەنگان نابیت هوون بچنە دەف و نەهێلا ، مە خوە گرت هەتا بوویە ئێڤار وەكی زێرەڤانی گۆتی رەشید سندی هات و مە گۆتێ مامێ رەشید چەوانی؟ سلاڤا مە وەرگرت و مە گۆتێ ئەم دۆسكی نە و ژ گوندێ برجینی هاتینە و مە چیرۆكا خوە هەمی بۆ گوت و مە داخازا ژەكی كر كو ببینە پێشمەرگە، گۆت مام بخودێ فەرمان نینە ئەم چەكی بدەینە كەسەكێ و مە گەلەك هیڤی بخوە ژێ كرن و ئەوی گۆت: ب فەرمانا مەلا مستەفای ئەم نەشێین چەكی بدەینە كەسەكێ و چادرەك ل وێرێ بوو یا زێرەڤانان بوو و ئەم چووینە بن وێ چادرێ و ئەم دو شەڤان ماینە ل وێرێ و ژ قەستا بوو و چ چەك نەدامە ، ئێكی گۆت هەرنە دەف فارس باوەی ل قەلادزێ و سۆرانە و ئامر هێزە و ئەگەر هوون بچنە وێرێ ئێكسەر دێ هەوە وەرگریت و ئەم رابووین ب پرسیارا چووینە قەلادزێ و هەتا ڤێرە دایك و بابێن مە چ دەنگوباسێن مە نوزانم و چ پەیوەندی نین، و هاتن و چوون ژی نینە و ئەم بۆ ماوێ پێنچ بۆ شەش رۆژا و پرسیارا چووینە قەلادزێ و هەر هەی ب پیان بوو و چ ترۆمبێل نەبوو و مە پرسیارا فارس باوەی كر، و خەلكی نیشامەدا و گەلەك كەیفا خوە ب مەئینا و گۆت هوون خەلكێ بەهدینانە مە گۆتێ بەلێ هەر ئێكسەر ژ ئاخفتنێ ئەم نیاسین و مە چیرۆكا خوە ژ سەری هەتا وێرێ بۆ گۆت و مە گۆتێ مە دڤێت ئەم ببینە پێشمەرگە و ئێكسەر گۆت مە فەرمان نینە و ببورە و ئەم نەشێین چەكی بدەینە هەوە و من گۆتێ جەعفەر ئەم گەلەكە شەڤا نامینە ل ڤێرە و ئەڤە مە ناكەتە پێشمەرگە و ئێكێ سورا ل وێرێ گۆتە مە هەرنە دەف عەلی شەعبانی ل بێتواتێ خارزایێ مەلا مستەفا بارزانی یە و ئەو گەلەك حەژ خەلكێ بەهدینان دكەت و ئە رابووین ژ قەلادزێ چووینە بێتواتێ و مە پرسیاركرن و هەتا ئەم هاتینە دەف عەلی شەعبانی و دینارەك و نیف فمن بوون و دوكێم روبعەك ب جەعفەری بوون ئەو ژی مە بخوە دانە بجگارە و مە دەست ب پرسیارا كر، هەتا ئەم گەهشتینە دەف عەلی شەعبانی و ئەم چووین دەف سكرتێرێ وی دگۆتنێ حەسەن هەرنی وەكی مە دئاخفت و مە بابەتێ خوە هەر هەمی بۆ شرڤەكر و گۆت و مە خاست ئەم بچنە دەف عەلی شەعبانی و فراڤین و شیف دانەمە و ئەم ل دەف زێرەڤانا نفستین و ژووركا بەرفرەه بوو و ل سپێدێ سكرتێری گۆت عەلی شەعبانی گۆتیە بلا ئەو گەنج بهێنە دەف من و خودی ژ مەلا مستەفا بارزانی رازیبت عەلی شەعبان خارزایێ وی بوو بەلێ گەلەك ب شكلی ڤە شتی مەلا مستەفا بارزانی بوو و بەرپرسێن وی دەمی گەلەك ب رێز و تەقدیر بوون، و گەلەك قەدرێ مە گرت و مە بابەت هر هەمی بۆ شرۆڤەكر و ئەوی گۆت ئەز گەلەك حەش بەهدینی یا دكەم و باوەریا من ب سورا ناهێت و ئەوی راست دگۆت و گۆت من مەرجەكێ ل گەل هەوە هەیە و مە گۆتێ چ شەرتە خالێ عەلی گۆت دێ دارا ئین و قەتكەن و تەنەكێن ئاڤێ ل سەر كانیكێ ئین و بەفر ل ناف تەنگا منە و دێ سەربانا ژ بەفرێ رامالن و ئەڤە سێ هەیڤان و ئەگەر ئاقلێ من ژ هەوە بری دێ چەكی دەمەهەوە و دێ بنە پێشمەرگە و ئەگەر ئاقلێ من ژ هەوە نەبری دێ هەر ئێك ژ هەوە دەه دینارا دەمێ و هەرنە مالێن خوە وەرە ڤی زەوقی و وەرە سەحكە ڤێ ئەشقێ و مە گۆتێ بلا مە شەرتێ تە قەبوولە بتنێ ئەم ببینە پێشمەگە و مە سێ هەیڤا بێ راوستن شولێ پێشمەرەی كر و مە بان ژ بەفرێ دمالێن و مە ئاڤ ژ كانیكێ دكێشا.
