ئێك كورده… ته‌رمێ دو گه‌نجان ل فره‌نسا هاته ديتن
ئه‌ڤرۆ نيوز، نيوار محه‌مه‌د سه‌ليم:
پۆليسێن فره‌نسى ته‌رمێ دو گه‌نجێن عيراقى ل سه‌ر لێڤێن ده‌ريايێ ل وه‌لاتێ خوه دىت، ل وێ ده‌ڤه‌را ب ره‌نگه‌كێ به‌رده‌وام كۆچبه‌ر ژ وێرێ به‌ر ب بريتانيا دچن ل سه‌ر گه‌شتيان.
ته‌رمێ گه‌نجه‌كێ كورد يێ 17 سالى ل سه‌ر لێڤا ده‌ريا بۆتۆكيه ل باشوورێ ده‌ڤه‌را “كاليه” ئه‌وا بوويه جهێ ڤه‌گوهاستنا كۆچبه‌ران ئه‌وێن دڤێت بگه‌هنه بريتانيا ل سه‌ر پشتا گه‌شتيان يان ترۆمبێل و قاميونان. پشتى چه‌ند ده‌مژمێران ته‌رمێ گه‌نجه‌كى دى يێ عيراقى يێ 22 سالى هاته ديتن.
ئه‌ڤه جاران ئێكێ يه ل وێ ده‌ڤه‌رێ ته‌رمێ دو كه‌سان ل سه‌ر لێڤێن ده‌ريايێ دهێته ديتن.
ده‌زگه‌هێن ئه‌منى يێن وێ ده‌ڤه‌رێ راگه‌هاند كو ئه‌و هه‌ردو گه‌نج دبيت ل سه‌ر وێ گه‌شتيێ بن ئه‌وا ڤالا هاتيه ديتن ل نێزيك ته‌رمێ گه‌نجێ ئێكێ، به‌رپرسێن ئه‌منى يێن وێ ده‌ڤه‌رێ گه‌شتيه‌كا مه‌تاتى ل نێزيكى ته‌رمێ گه‌نجێ ئێكێ ديت بوو يا ڤالا بوو.