ئێکەتیا تەپا پێ دێ ل گەل وەزیرێ دارایی کومبیت
ئەڤرۆ نيوز:
سکرتێرێ ئێکەتیا تەپا پێ یا کوردستانێ دیارکر بڕیارە ھەتا سوبەھی ئەو کومبونەکا تایبەت ل گەل وەزیرێ دارای ئەنجام بدەن بۆ مەزاختنا پێشینەیا ئێکەتیا تەپا پێ و یانا.
زێدەتر سەلام حسێن د داخویانیەکا تایبەت دا بۆ رۆژناما ئەڤرۆ گۆت: ل سەر داخوازیا ئێکەتیا تەپا پێ یا کوردستانێ وان ژڤانەک ژ وەزیرێ دارای وەرگرتیە بۆ ئەنجامدانا کومبونەکێ پێخەمەت شروڤەکرنا بارودوخێ وەرزشی ب تایبەتی، پشتی پێشینەیێن ئێکەتیا تەپا پێ و یانێن وەرزشی ھاتینە بڕین ژلایێ وەزارەتا ناڤبری ڤە و بڕیارە ئەڤرۆ ھەتا سوبەھی ئەڤ کومبونە بھێتە ئەنجامدان.
ناڤبری ئەو چەندە ژی دیارکر دێ د ڤێ کومبونێ دا داخوازێ ژ وەزیرێ کەن ھەکە ئەو پێشینەیا ئێکەتیا تەپا پێ نە مەزێخن دێ د بەردەوام بن ل سەر راوەستاندنا چالاکیێن خوە یێن وەرزشی بۆ وەرزێ بھێت و ئەو دێ چاڤەرێ بەرسڤا وەزیری بن و ل دۆر ڤێ چەندێ و چو تشتێ پێشبینی کری ل دۆر رازیبون و نەرازیبونا وی ل سەر مەزاختنا پارێ ئێکەتیا تەپا پێ نینە.
