ئەتلەتیكۆ مەدرید و ئارسنال چاڤ ل خۆشكرنا ئێكەم دەستكەڤتینە
دهێتە چاڤەڕێ كرن ئەڤرۆ ل دەمژمێر 10ی شەڤ دووەم یاریێن ئاگرین یێن گەڕا ئێكێ ژ قووناغا پێش دووماهییا چامپیۆنز لیگ قارەمانییا یانەیێن ئۆرۆپا قارەمانێن خولا بهێتە كرن ئەوا دێ یانەیا ئەتلەتیكۆ مەدرید یا ئسپانی ل یاریگەها خوە مێترۆبۆلیتانیۆ یانەیا ئارسنال یا ئنگلتەرایێ مێڤان كەت.
چاڤ ل ئێك دەستكەڤتن
هەردو یانە دێ هێنە دناڤ یاریگەهێ دا و چاڤێ وان ل فینالێ یە و ب دەستڤە ئینانا ئێكەم ناسناڤێ قارەمانیێ یە ئەوێن پێتشر هیچ ناسناڤەك ب دەستڤە نە ئینایی سەرباری گەهشتنا ئەتلەتیكۆ مەدرید بۆ فینالێ ل سالێن 1974، 2014 و 2016ێ وهیڤیێن وێ بۆ جارا چارێ بگەهیتە فینالێ و گڕێیا خوسارەتیان لڤێ قووناغێ ڤەكەت و ناسناڤێ ئێكێ بدەستڤە بینیت، لێ د بەرانبەر دا ئارسنال ئەوا د خۆشترین دەمێ خۆ دا دبۆرینیت، ئەوێ ژی ناسناڤەك دڤێت و ب هیڤییە ب گەهیتە فینالێ بۆ جارا دەویێ پشتی یا سالا 2006ێ و نەشیایی ناسناڤی ببەت ئەوا بەرشەلۆنا بدەستڤە ئینایی.
مۆرالا هەردو تیمان
یانەیا ئەتلەتیكۆ نەدرید ناڤدار ب ئارۆخی بلانكۆس دێ ب زاخەكا بلند هێتە دناڤ یاریگەهێ دا پشتی شیایین د قووناغا چارێك دووماهیێ دا هەڤڕكا خوە بەرشەلۆنا خوسارەت بكەن، هێلا هێرشبرنێ یا ئەتلەتیكۆ د دەمەكێ گەلەك باش دەرباز دكەت ئەوا هەتا نوكە 34 گۆل د هەموو قارمانیێن ئەڤ سالە دا تۆماركرن كو دبیتە هژمارەكا پیڤایی بۆ یانەیێ، لێ دبیت خالان كێماسێ دناڤا هێلا بەرەڤانیێ دا هەبیت.
ژلایێ خوەڤە یانەیا ئارسنال یا ناڤدار ب تۆپ هاڤێژ ژی د دەمەكێ باش دەرباز دكەت تایبەت دخولا ئنگلتەرایێ دا ئەوا سەرێ لیستێ دهێت، هەروەسان شێوازێ یارییا وان یا گۆنجایی و ڕاگرە، هێلا بەرەڤانیێ دهێتە هژمارتن بهێزترین هێل د قارەمانیێ دا ئەوا ژ 12 یارییان بتنێ پێنج گۆل ل سەر هاتینە تۆماركرن و هەشت یارییان دا هیچ گۆلەك ل سەر نەبوویە.
هنگاڤتن ئاستەنگەكا دی یە
ل دووڤ ڕاپۆرتێن هاتینە بەلاڤكرن هەردو یانە هنگاڤتن دناڤ ڕێزنێن تیمێن خوە دا هەنە و بڤی شێوەیی، یانەیا ئەتلەتیكۆ مەدرید دێ بێ بەهر بیت ژ ستێرێ خوە یێ هێلا ناڤین پابلۆ باریۆس و هەردو یاریزانێن هێلا بەرەڤانیێ خوسێ خیمینێز و دێڤێد هانكۆ و یاریزانێ هێلا هێرشبرنێ ئیدیمۆلا لۆكمان ژبەر هنگاڤتنێ.
یانەیا ئارسنال ژی یا بێ بەهر نابیت ژ دووركەڤتنان، هەر ئێك ژ میكێل میرینۆ و یۆریان تیمبێر ژبەر هنگاڤتنێ دێ دووركەڤن، و ڤەگەڕیانا هەرئێك ژهێرشبەرێ وێ هاڤیرتز و ئیبیرێچ ئیز د گۆمانێ دایە پشتی ل یارییا بۆری ژخولا ئنگلتەرایی بەرانبەر نیۆكاسل تووشی هنگاڤتنێ بووین، لێ ڤەگەڕیانا بۆكایۆ ساكا هاتە پشتراست كرن.
