ئەحمەد رامبۆ: چالاكیێن ئەڤ سالە ب هێز ترن
ئەڤرۆ
هەولێر، سولین سلێمان:
یاریزانێ نێڤدەولەتی و یێ كورد بۆ یاریا لەش جوانیێ ئەحمەد رامبۆ كو دهەمان دەمدا سەرۆكێ ئێكەتیا لەش جوانیێ ل پارێزگەها هەولێرێ یە دیاركر بۆ وەرزێ نوو چالاكیێن وان دێ د جودابن و بزاڤا كەن هێزەكا نوو پەیدابكەن.
زێدەتر ناڤهاتی بۆ رۆژناما ئەڤرۆ گۆت: بۆ ئەڤ سالە مە پلانەكا رێكخستی دانایە و هەموو یاریزان هاتینە ئاگەهداركرن كو دێ قارەمانیێن بهێز ل سەر ئاستێ هەرێمێ، ئیراقێ و نێڤدەولەتی هێنە ئەنجامدان، هەر ژ حزیرانا بهێت هەولێرا پایتەخت دێ مێڤانداریا قارەمانیا پارێزگەهێن كوردستانێ دیسان یێن باژێرێن ناڤەراست و باكۆرێ ئیراقێ كەت، هەروەسان ل تەمووزا ئەڤ سالە قارەمانیا فیزیك و بۆدی كلاسیك ژی هێتە كرن.
ژلایەكێ دووڤە ناڤهاتی گۆت: وەكو یاریزانەكێ نێڤدەولەتی شیایمە چەندین ناسناڤێن مەزن بینم و دەستپێكا من هەر ژ 1988ێ بوویە و بەردەوامی دایە راهێنانا و مەرەما من یا سەرەكی پێشخستنا ڤێ وەرزشێ یە و بلندكرنا ناڤێ كوردستانێ ل سەر ئاستێ جیهانێ و دبینم ئەڤ یاریە سال بۆ سالێ بەر ب پێشڤە دچیت.
