ئەردۆغان دێ سەرەدانا سەرۆکێ پارتا کۆماری کەت
بەرپرسەکێ ئاکپارتیێ راگەهاند ئەڤرۆ پشتی نیڤرۆ رەجەب تەیب ئەردۆغانێ سەرۆک کۆمارێ تورکیا دێ سەرەدانا سەرۆکێ گشتی یێ پارتا کۆماری کەت و دێ سەبارەت ب رەوشا نها یا تورکیا و هندەک بابەتێن دی دانوستاندنان کەن.
بەری نها سەرۆکێ گشتی یێ پارتا کۆماریا گەل ئۆزگور ئۆزەل سەرەدانا ئەردۆغانی کربوو و پشتی کۆمبوونێ ژی ئەردۆغانی بۆ دەزگەهێن راگەهاندنا تورکیا دیار کربوو وان دڤێت دەست ب قۆناغەکا نوو یان ژی نەرمبوونا سیاسی ل تورکیا بکەن و وان دڤێت پەیوەندیێن خوە ل گەل پارتا کۆماری باش بکەن.
دوهی سەرۆکێ گشتی یێ پارتا کۆماریا گەل ژی دیار کر، ئەو دێ ل گەل ئەردۆغانی بەحسێ ئاریشێن نها ل تورکیا کەن، ب تایبەتی ژی دێ بەحسێ قەیرانا ئابووری کەن، چونکی نها تورکیا د قەیرانەکا گەلەک مەزن دایە و مخابن دەستهەلاتێ ژی چو پرۆژە بۆ چارەسەرکرنا قەیرانا ئابووری نینن، وەکو پارتا کۆماری وان دڤێت کار بۆ باشکرنا رەوشا ژیانا وەلاتیان بکەن و دێ ل گەل ئەردۆغانی ژی بەحسێ ڤان بابەتان کەن.
