ئەردێ ھیڤییان
Naci Badel
Latest posts by Naci Badel (see all)
- پشتی كۆمبوونەكا درێژ ل گەل زەیدی، سەرۆكێ فراكسیۆنا پارتی چارەسەرییا قەیرانا كارەبا كەركووكێ ڕاگەهاند - نوفمبر 4, 2026
- فراكسیۆنا پارتی و پێكهاتە داخوازا كاراكرنا پەرلەمانێ كوردستانێ دكەن - نوفمبر 4, 2026
- حەیدەر شەشۆ: هندەك ژ وان كەسێن ل شنگالێ بەرپرسیاری هەی نە ئێزدینە و نە ژی ئیراقینە - نوفمبر 4, 2026
زهێر کورەمارکی
ڤێرێ وارێ هیڤیانە ..
پشتی تۆفانێ کەلا خۆ دارێتێ
ئاگرێ دەستپێکا ژیانێ یێ ل ڤێرە ھلبووی
ناڤێ وێ یێ بوویە، ئەردێ ژیانێ
کەشتا شارستانیەتێ یا لێ دادای
تۆڤێ نفشان یێ ل سەر ئەردێ وێ
شین بووی و بەلاڤبووی
ئەردێ حەواندنا گیانلبەر و گیاندارایە
مرۆڤایەتی یا لڤێرە شین بووی..
چ دەستێن رەش و هێزێن ستەمێ
نەشێن بەفرا وێ یا سپی بکەنە تەنی
جوانیا سروشتێ وێ رەش بکەن
ستەما ھەردەمی لێ بچینن
ھیڤییا لسەر خاکا وێ بکوژن..
ل ڤێرە دیرۆک، ب سەر و مەژی
وکلۆخان یا هاتیە تۆمارکرن
ڤێرێ وارگەھێ ھیڤییانە، چیڕۆکێن ھیڤییا
دناڤ باڕۆڤەیێن خوینێ دا شین دبن
ئاسۆیێن بھارەکا پڕی خەمل
خۆ دھەژینن..
دەستێن خۆ دهاڤێژنە تاکێن بارۆڤەیان و..
ئاوازێن کەنیێ دناڤ پێلێن ئاگری دا دژەنن
ترسنۆکێن وی لسەر شانۆیا مرنێ سەمایێ دکەن !
فریشتە و ڕۆژ و ئەھۆرامەزدا
لاڤا بۆ دکەن و سلاڤ دکەنە خاکا وێ
خەون دبنە هیڤی و هیڤی ژی دبنە ئارمانج
ئەڤ خاکە وارگەھێ پیرۆزیانە
تۆڤێ ڤیانا ژیانێ یێ لێ ھاتیە چاندن
خۆراگری ژ چیاکێن وێ دزێن
خەلکێ وێ یێ بەرھەڤە
ئازادی وسەرفرازیێ بخوینێ بکڕیت
بالندە ژباخچێن وێ مشەخت نابن
بارانێن ھیڤییا دبنە لەھی
ھیڤیا دزەڤیێن وێ دا دچینن
وەلات دبیتە ھێلینا ژیانێ
ئاڤەدانی ڕھێن خۆ کویر دادھێلیت
مەشکا سەرخۆبوونێ دکێت.
