ئەركێن نوونەرێن پارێزگەهێ د خولا كوردستانێ دا ب زەحمەتن
بڕیارە ئەڤرۆ ل دەمژمێر 2:30 پشتی نیڤرۆ هەشت یاریێن گەڕا دویێ ژ چارچووڤەیێ گەڕا دویێ ژ قۆناغا كۆمان یا خولا پلا دو دەربازبوون بۆ پلا ئێكا كوردستانێ یا فوتبۆلێ، نوونەرێن پارێزگەهێ د ئەركەكێ ب زەحمەت دا نە ژبۆ سەركەفتنێ و قەرەبوویا سێ خالێن یاریێن گەڕا ئێكێ دا.
ل یاریگەها ئاكرێ تیما یانەیا دینارتە دێ مێڤاندارییا یانەیا جیهان كەت ب هیڤیێن سەركەفتنێ و قەرەبوویا سێ خالێن یارییا گەڕا ئێكێ بكەت ئەوا دگەل ئاسۆ ب دو گۆلان تووشی خوسارەتیێ بوویی، ژلایێ خوەڤە تیما جیهان شیابوو سەركەفتنێ ل سەر ئێك ژ نوونەرێن پارێزگەها دهۆكێ یانەیا بجێل بینت ب دو گۆلان بەرانبەر گۆلەكێ و دێ بزاڤێن سەركەفتنا دویێ كەت.
ژلایەكێ دووڤە تیما یانەیا بەردەرەش دێ بەر ب خەلێفان چیت و یارییا خوە یا دویێ دگەل یانەیا خەلیفان كەت د بزاڤەكێ دا ژبۆ بەردەوامییا ئەنجامێن باش و سەركەفتنا دویێ بینت، یانەیا بەردەڕەش د یارییا ئێكێ دا شیابوو ب سەركەڤیت ل سەر یانەیا هەریر ب دو گۆلان بەرانبەر گۆلەكێ.
ژ یاریێن دی یێن ئەڤرۆ، هەریر- چۆمان، تەق تەق- ئاسۆ، باوەرنۆر- دۆكان، سیرۆانی هەلەبچە- پیرەمەگرۆن، ئاشتی- خورمال، سەنگەسەر- حاجیاوا، بۆ زانین تیما یانەیا بجێل دێ دڤێ گەڕێ دا یا چاڤەڕێ كری بیت.
