ئەلمانیا: دڤێت تورکیا ئاستەنگان دروست نەکەت
وەزیرا دەرڤە یا ئەلمانیا راگەهاند کو د هەڤدیتنا ڤێ دووماهیێ ل گەل وەزیرێ دەرڤە یێ تورکیا دا وێ ب ئاشکرا دیار کریە کو دڤێت تورکیا ئێرشێن خوە یێن ل سەر کوردان ل سووریێ بدەتە راگرتن، دڤێت تورکیا رێزێ ل سەروەریا سووریێ و مافێن کوردان بگریت، چونکی رژێما بەشاری گەلەک زۆرداری ل کوردان کرن و نها کوردان دڤێت د چارچۆڤەیێ سووریایەک نوو و دیموکراتی دا بگەهنە مافێن خوە یێن رەوا و گرنگە تورکیا ژی رێزێ ل داخوازیێن کوردان بگریت.
ئەنالینا بێربۆک ئەو یەک ژی دیار کر، نابیت تورکیا هندەک تشتێن دی بکەتە بەهانە و بەردەوام ئێرشێ کوردان ل سووریێ بکەت، دەڤەرێن کوردی ل سووریێ گەلەک ئارامن و نابیت تورکیا ئالۆزیان دروست بکەت و هەروەسا دڤێت کورد د ئاڤاکرنا حوکمەتا نوو ل سووریێ دا خوەدان رۆل بن، هەکە ئەو یەک نەهێتە کرن بێگومان ئەلمانیا پشتەڤانیێ ل سووریێ ناکەت، دڤێت بەرپرسێن نها یێن بەروەخت کو سووریێ برێڤە دبەن ژی ڤێ راستیێ باش بدەنە بەرچاڤ.
