ئەلمانیا دێ ڤیزا شنگن دەتە وەلاتیێن ھەرێما کوردستانێ
ئەڤرۆ نیوز:
ئەلمانیا چەند رێنمایێن تایبەت ب رێیا حوکمەتێ د دەتە وەلاتیێن ھەرێما کوردستانێ و فەرمانگەھا پەیوەندیێن دەرڤە یا حوکمەتا ھەرێمی و ڕادگەھینیت کو ئێدی پێدڤی ناکەت وەلاتیێن ھەرێمی ب مەرەما وەرگرتنا ڤیزا ئەلمانیا سەرەدانا ئەنقەرە بکەن.
ل دووڤ نڤێسارەکا فەرمانگەھا پەیوەندیێن دەرڤە یا ھەرێما کوردستانێ کو 26 ێ ھەیڤا چارا ئەڤ سالە دەرکەفتیە کو ئەلمانیا بۆ دانا ڤیزێ بۆ وەلاتیێن ھەرێمێ چەند رێنما دەرکرینە.
قۆنسولخانا گشتیا ئەلمانیا ل ھەولێرێ نڤێسارەک ل 23 ێ ھەیڤا چارا ئەڤ سالە ئاراستەی فەرمانگەھا پەیوەندیێن دەرڤە یا حوکمەتا ھەرێمێ کریە و تێدا بەحسی رێنمایێن دانا ڤیزێ بۆ وەلاتیێن ھەرێمێ دکەت کو ژ ئێکی ھەیڤا پێنجا ئەڤ سالە ھەموو داخوازیێن وەرگرتنا ڤیزا ئەلمانیا دان ب مەرەما بازرگانیێ و گەشتێن تایبەت و دەربازبوونێ و چارەسەریێ.
د نڤێسارێ دا ھاتیە: “قۆنسالخانا ئەلمانیا ب تنێ کاری ل سەر داخوازیێن دومدرێژ دکەت یێن تایبەت ب خواندنێ ڤە و کارکرنێ و ئێکگرتنا خێزانان، د ھەمان دەم دا ئاسانکاریێن سنووردار و تایبەت دکەت بۆ کەسایەتیێن گرنگ مینا سەروکێ وەلاتی و حوکمەتێ و کاربەدەستێن حوکمەتا ھەرێما کوردستانێ و ھەڤژینێن وان و شاندێن فەرمی کو ژ لایێ حوکمەتا ئەلمانیاڤە یان رێکخراوێن نێڤدەولەتی ب کارێ فەرمی بھێنە داخوازکرن، دیسا ھەلگرێن پاسپورتێن دبلوماسی ژی دشێن ڤیزێ وەرگرن، بەرپرسێن ھەرێمێ ژی ھەکە حوکمەتا ئەلمانیا وان داخواز بکەت ڤیزە دێ بۆ ھێتەدان.
ئاماژە دا وێ چەندێ ژی کو وەختێ چاڤپێکەفتنێ دێ ژ حەفتیەکێ زێدەتر بیت، ھەروەسا ئەلمانیا وەلاتێ ئێکێ یێ شنگنە نوکە ل ھەرێما کوردستانێ ھەموو جۆرێن داخوازیێن ڤیزا وەردگریت، ئەڤە ژی ڤەدگەریت بۆ ئەو پەیوەندیێن ب ھێز یێن د ناڤبەرا ئەلمانیا و ھەرێما کوردستانێ دا.
ھەژی گۆتنێیە کو ڤیزا شنگن ل ھەر 27 وەلاتێن پشکدار د ئێکەتیا ئورۆپا دا ڤەدگریت.
