ئەلند
سەلاح حەكیم
بارزینكێ مشت ئۆمێدا
ل مەودایا ببە مشتاخە
ئەو دایكا ب چوونا چەگەرا خوە
بتنێ وەلاتەك بۆ مای
هەرۆژ تەوافێ ل دوور
سۆتنا ناخێ خوە دكەت
كەنگی ئەلندنا سپێدێ
ل هەڤشیێ ئۆمێدا دێ هەلێت
ب دەنگێ بلۆرا هەستا
بلا خەریبی نەبیتە
خەمەكا گران و
گازیەكا پڕ ب ژان
مێرگا ئێڤاریا شەڤێن تاری
بلا نەحەوینیت
كاروانێ ڤی عێلی
ل زۆزمێن ژۆری هێشتا قەدەرێ چ نەگۆتیە
چما سیمەرخەكا چەنگ شكەستی
ل سنوورێن گەشتەكا
دلۆڤانیێ دگەریت
لەهیا خەریبیا
ل كاڤلێن وێرانكری
هزار چوونێن ژدایكرین
د قڕكا هەناسەیێن دەڤێ رۆژێ دا
شرین بابێ ژیانا وەلاتی هەرو هەر دێ هەلكێشین.
