ئەلهۆیێن چیا چاڤ ل سەركەڤتنا 13ێ نە و جەوییە بۆ پاراستنا سەرێ لیستێ یە
چاڤەڕێ دهێتە كرن ئەڤرۆ ب ئەنجامدانا پێنچ یارییان دەست ب هەڤڕكیێن گەڕا 34ێ ژ خولا ستێرێن ئیراقێ یا فوتبۆلێ بهێنە كرن، یانەیا دهۆك دێ ل یاریگەها خوە دگەل خودانا ڕێزا دووماهیێ كەت، بریارە سۆباهی ژی پێنچ یاریێن مایی بهێنە كرن
یارییا ئەڤرۆ دەلیڤەیە بۆ گەنجان
تیما یانەیا دهۆك دێ ل یاریگەها خوە ل دەمژمێر 5:30 ئێڤاری یانەیا ئەلقاسم مێڤان كەت كو دهێتە هژمارتن ئێك ژ یاریێن ڤێ گەڕێ كو ببیتە دەلیڤە بۆ ئەلهۆیێن چیا بۆ خرڤەكرنا سێ خالان بەرانبەر یانەیەكێ یا پاشكەڤتنا وێ بۆ خولا نایاب تا ڕادەیەكی هاتییە ئێكلاكەر، دهۆك ل ڕێزا 10ێ دهێت ب كۆمكرنا 45 خالان ژ 12 سەركەڤتن، نەهـ وەكهەڤی و 12 خوسارەتییان، ڕێژەیا 37 گۆل ل سەر هەنە و هەمان گۆل ژی ل سەر هاتینە تۆماركرن، ژلایێ خوەڤە یانەیا ئەلقاسم خودانا پێنج خالانە ژ پێنج وەكهەڤییان و هیچ سەركەڤتنە نینە، 83 گۆل ل سەر بووینە، بتنێ 16 گۆل تۆماركرینە.
نابیت ب سڤكاتی بهێتە وەرگرتن
د پرێسكۆنفراسێ بەری یاریێ دا سەعید عەبدولحەمید هاریكارێ ڕاهێنەرێ دهۆكێ دیاركر بۆ هەر یارییەكێ ئەو پێدڤی ب سەركەڤتنێ نە ژبۆ باشتركرنا ڕێزبەندییا خوە و گۆت: یارییا ئەڤرۆ ژی وەكو هەر یاریێن دی بۆ مە د گرنگن و پێدڤی ب سێ خالێن یاریێ نە، تیما ئەلقاسم راستە یا ل دووماهییا ڕێزبەندیێ لێ هەكە ئەم لسەر یاریێن وی یێن چووی شرۆڤەكرنێ بكەین دێ بنینن ئاست و ئەنجامێن وان باش بووینە، لەوما ژی نابیت یاریزانێ مە ڤێ یاریێ ب سڤكاتی وەربگریت، دێ بزاڤێ كەین سێ خالێن ڤێ یاریێ ژی ب دەستڤە بینن و دلێ جەماوەرێ خوە خۆشتر بكەین.
ژ یاریێن دی یێن ئەڤرۆ
مینا- زەورا، ل دەمژمێر 5:30 ئێڤاری، یاریگەها ئەلفیحا.
نەفت میسان- نەفت،ل دەمژمێر 5:30 ئێڤاری، یاریگەها میسان.
شورتە- ئەلغراف، ل دەمژمێر هەشتی شەڤ، یاریگەها شورتە.
ئەلگەرمە- جەوییە، ل دەمژمێر هەشتی شەڤ، یاریگەها ئەلجەولان.
یاریێن سوبەهی
كارەبا- نەورۆز، دەمژمێر 5:30 ئێڤاری، ل یاریگەها زەورا.
نەجەف- هەولێر، دەمژمێر 5:30 ئێڤاری، ل یاریگەها نەجەف.
كەرخ- ئەمانەت بەغدا، دەمژمێر 5:30 ئێڤاری، یاریگەها كەرخ.
زاخۆ- دیالا، دەمژمێر هەشتی شەڤ، یاریگەها زاخۆ.
مووسل- تەلەبە، دەمژمیر هەشتی شەڤ، یاریگەها دهۆك.
كی گۆلكەرێن پێشیێ نە
1- شیرزۆد ئیمیرۆڤ 26 گۆل، یانەیا هەولێر.
2- عەلائەدین ئەلدالی 19 گۆل، یانەیا مووسل.
3- لینۆێل ئەتیبا 17 گۆل، یانەیا شورتە.
4- كینگسلی كۆكۆ، 16 گۆل، یانەیا ئەلغراف.
5- پیتەر گۆرگیس، 16 گۆل، یانەیا دهۆك.
6- یونس حەمۆد، 12 گۆل، یانەیا كەرخ.
7- محەمەد جەواد، 12 گۆل، یانەیا ئەلكەرخ.
8- حەسەن عەبدولكەریم، 11 گۆل، یانەیا زەورا.
9- محەموود كەمال، 10 گۆل، یانەیا جەوییە.
10- عیسام عەبدوللا، نەه، گۆل یانەیا جەوییە.
هەلوەستێ گشتی بەری دەستپێكرنا هەڤڕكیێن گەڕا 34ێ
1- جەوییە 77 خال.
2- شورتە 70 خال.
3- هەولێر 67 خال.
4- زەورا 62 خال.
5- تەلەبە 61 خال.
6- زاخۆ 54 خال كێمترییا یارییەكێ.
7- ئەلگەرمە 54 خال.
8- كەرخ 52 خال.
9- نەورۆز 47 خال.
10- دهۆك 45 خال.
11- دیالا 43 خال.
12- مووسل 41 خال.
13- نەفت 40 خال.
14- ئەلغراف 39 خال.
15- مینا 33 خال كێمترییا یاریەكێ.
16- ئەمانەت بەغدا 31 خال.
17- نەفت میسان 30 خال كێمترییا یارییەكێ.
18- كارەبا 28 خال كێمترییا یارییەكێ
19- نەجەف 16 خال كێمترییا دو یارییان.
20- ئەلقاسم پێنج خال.
