ئەو جادەیێن ل ئامێدیێ ژ ئەگەرێ لەهیان ژناڤچووین هاتنـە نـووژەنكـرن
ئامێدیێ، مەحمود نهێلی:
هەژمارەكا جادەیێن ژ ئەنجامێ لەهیێن ئەڤ سالە ل سنۆرێ دەڤەرداریا ئامێدیێ خراب بووین، جارەكا دی هاتنە سەخبێركرن و نووژەنكرن و هاتنوچوون تێدا ئاسایی بوویە.
ئەندازیار ئەڤراز حەسەن، سەرۆكێ باژێرڤانیا ئامێدیێ بۆ ئەڤرۆ دیار كر، ژ بەر وان بارانێن ئەڤ سالە بارین و لەهی دروست بووین، هەژمارەكا جادەیان زیان گەهشتبوونێ و خراب ببوون و گۆت: «ئەو جادەیێن زیان گەهشتینی، دوبارە ژ لایێ رێڤەبەرییا سەخێرییا رێك و پران ڤە هاتنە سەخبێركرن و نووژەنكرن و نوكە هاتنوچوون تێدا ئاسایی بوویە».
دهێتە زانین، ل زڤستانا ئەڤ سالە زێدەتر ژ 2000 ملیمێن بارانێ ل دەڤەرا ئامێدیێ باری بوون و ژ ئەنجامێ بارینا بارانێن زۆر و دروستبوونا لەهیان و خشیانا ئاخێ، هەژمارەكا جادەیێن سنۆرێ دەڤەردارییا ئامێدیێ خراب ببوون و ژناڤ چوبوون.
