ئەو كەسێن نوو پرۆسێسا هەڤژینیێ ل دەڤەرا ئامێدیێ پێكئیناین دێ گازا سپی وەرگرن

ئامێدیێ، مەحمود نهێلی:

رێڤەبەرییا ناوچەدارییا دێرەلۆكێ دیار كر، ئەو خێزانێن نوو بووینە سەرۆك خێزان و ژیانا هەڤژینیێ پێكئینای و هەتا نوكە پلێتا ئاهێن خوارنێ و پلێتا گازا سپی بۆ نەهاتی، سەرەدانا رێڤەبەرییا ناوچەدارییا دێرەلۆكێ‌ بكەن بۆ تۆماركرنا ناڤێن خوە.
شڤان عسمەت، بەرپرسێ پشكا دارایی یا رێڤەبەرییا ناوچەدارییا دێرەلۆكێ‌ بۆ رۆژناما ئەڤرۆ دیار كر، ئەو هاتینە ئاگەهداركرن ژ بۆ تۆماركرنا ناڤێن وان خێزانێن نوو هاتینە پێكئینان و گۆت: «بەری نوكە دۆرێن 200 خێزانێن ب ڤی رەنگی ل سنۆرێ ناوچەدارییا دێرەلۆكێ‌ مفادار بووینە ژ وەرگرتنا گازێ و نوكە دۆرێن 300 خێزانێن دی ماینە و ل شێلادزێ ژی هەژمارەكا زۆرتر ژ خێزانان ماینە، هەتا نوكە گازا سپی وەرنەگرتی».
ناڤهات گۆت ژی: «رازبیبوون ل سەر نڤیسینا ناڤێن وان خێزانان هاتیە كرن، پاشی بۆ رێڤەبەرییا ئاهێن خوارنێ ل دهوكێ دێ هێنە رەوانەكرن ژ بۆ چێكرنا پلێتێن گازا سپی، هیڤیدارین؛ ئەڤ پرۆسێسە ب زووترین دەم ب دووماهی بهێت و ئەو خێزانێن ماین ژی ژ وەرگرتنا گازا سپی مفادار بن».

کۆمێنتا تە