ئەو پڕۆژەیێن ل بەردەڕەشێ ڕاوەستیاین دێ هێنە تەمامكرن
رەمەزان زەكەریا:
د چارچۆڤەیێ بزاڤێن بەردەوام بۆ گەشەپێدانا خزمەتگوزارییان و چارەسەركرنا ئاڕێشەیێن خەلكێ دەڤەرێ، ئەو پڕۆژەیێن ل سنۆرێ دەڤەرداریا بەردەڕەشێ كار تێدا ڕاوەستایای دێ هێنە تەمامكرن.
ئەو پڕۆژەیێن كار تێدا هاتیە راوەستاندن پێك دهێن ژ: پڕۆژەیێ تاخێ پەككەوتووان، یێ ڤەكرن و چێكرنا ڕێكێن زێدەتر ژ هزار و 500 مالان، كو ژ بەر نەبوونا بودجەی، زێدەتر ژ دو سالانە كار تێدا هاتبوو ڕاوەستاندن، دیسا دەستپێكرنەڤەیا پرۆژەیێن كۆمپانیایێن ڕێژین و نەهلە، بجهئینانا پڕۆژەیێن داهاتێ ئەردێن فڕۆتی ب گوژمێ ئێك ملیار و 300 ملیۆن دیناران و دابینكرنا ئامێرێن پێدڤی بۆ باژێرڤانیێ.
