ئەو کیژ نەخۆشن دبنە قوربانیێن بەنجێ؟
ئەڤرۆ:
رەنگە گەلەک نەخۆش ببنە قوربانیێن بەنجکرنێ، یان ددەمێ بەنجکرنێ دا تووشی فالنجێ ببن، دانا بەنجێ بۆ نەخۆشی ئێک ژ مەزنترین و گرنگترین پێشھاتێن زانستی بوویە دوارێ پزیشکیێ دا، بەنجێ رۆلەکێ گرنگ گێرایە بۆ چارەسەرکرنا شکەستنان و کریارێن نشتەرگەریێ و ب سانەھیکرنا ئێشانێ بۆ وان نەخوشێن دکەڤنە ل ژێر نشتەرگەریان و ھەکە بەنج نەبایە ھەر کەسەک دا مرنێ خوازیت داکو نەئێشیت، لەورا ژی بەری ھەر نشتەرگەریەکێ نەخوش دناڤ بەنجێ دا دھێتە دانان و بەری بەنجکرنێ ژی پێدڤی یە دختورێ بەنجێ وی ببینیت و حالەتێ وی شروڤەبکەت داکو چ سەربارک ژێ پەیدانەبن.
ھەلبەت پتریا خەلکی ترسەک ژ بەنجکرنێ ھەیە بەلێ پێشکەفتن کەفتیە وارێ بەنجکرنێ و نوکە وەکو بەرێ چ سەربارکێن مەزن لێ پەیدانابن و مەترسیێن پێدانا وێ کێم بووینە، ژبەرکو دشیان دایە بەری نەخوش بھێتە بەنجکرن ھەکە ھەستداری ھەبیت جورەکێ دی یێ بەنجێ بدەنێ و رەنگە نەخوش دماوێ بەنجکرنێ دا تووشی ھندەک ئاریشەیان ببیت، بەلێ ئەو ئاریشە پتر ژ ئەنجامێ نەخوشیێن دلی پەیدادبن و نەخوش تەحەمولا وەرگرتنا بەنجێ ناکەت.
دەربارەی سەربارکێن کو ژ ئەنجامێ بەنجکرنێ پەیدادبن پێکھاتینە ژ نەرێکخستنا لەمزێن دلی و لیدانێن دلی و ھاتنا خوارا فشارا خوینێ و د ھندەک دەلیڤەیێن دیتر دا دەمێ تیوب دناڤ دەڤێ نەخوشی دا دھێتە دانان ھندەک سەربارک پەیدادبن و دگەھیتە رادێ وێ چەندێ کو ددانێن نەخوشی بشکێن.
داکو نوشدارێ بەنجکرنێ نەکەڤیتە د چ خەلەتیان دا ئەوبوونوشدار پێدڤیە بزانیت کو کەسەکی ژیانا خۆ کرە ددەستێن وی دا و پێدڤیە بەردەوام دووڤچوون و زێرەڤانیا وی بکەت و ئەو بخو گەلەک خۆ پێش بێخیت و ل تشتێ نوو بگەریت و پێدڤیە سیستەمێن نوو ل نەخوشخانا بھێنە دابینکرن ل دەمێ روودانا ھەر خەلەتیەکێ دا زوو سەرەدەری دگەل نەخوشی بھێتە کرن.
