ئەڤرۆ دەست ب ئەزموونێن دووماهیا وەرزێ دویێ دێ هێنە كرن
دهۆك، دلۆڤان ئاكرەیی:
رێڤەبەرێ گشتیێ ئەزموونان ل وەزارەتا پەروەردەیا حوكمەتا هەرێما كوردستانێ دیاركر، ل دویڤ سالنامەیا خواندنێ یا وەزارەتا پەروەردەیێ، ئەڤرۆ رۆژا ئێكشەمبی 10/5/2026 دەست ب ئەزموونێن دووماهیا وەرزێ دویێ بۆ پۆلێن نەكۆتا و پەیمانگەهێن سەر ب وەزارەتێ ڤە دێ هێتە كرن و هەتا رۆژا 20/5/2026 دێ بەردەوام بن.
نوورەدین عوسمان، رێڤەبەرێ گشتیێ ئەزموونان ل وەزارەتا پەروەردەیێ بۆ رۆژنامەیا ئەڤرۆ گۆت: «وەزارەتێ بۆ ئەزموونێن ئەڤرۆ هەمی پێدڤی بۆ هۆلێن ئەزموونان دابینكرینە، دا كو پرۆسە ب سەركەفتیانە بڕێڤە بچیت و خشتەیێ ئەزموونان ب ئاوایەكی هاتیە دارشتن، كو قوتابی د ماوەیێ 10 رۆژان دا هەمی بابەتێن خۆ ب دووماهی بینن».
