ئالایێ ئەڤرۆ ل شنگالێ ھاتیە بلندکرن ژ کیڤە ئینابوو ؟
ئەڤرۆ نیوز، ھەژار مەعروف:
پشتی ئەڤرۆ باژێرێ شنگالێ ژلایێ ھێزێن پێشمەرگەیێ کوردستانێ ڤە ھاتیە رزگارکرن و مەزنترین ئالایێ کوردستانێ ل وی باژێری ھاتیە بلندکرن چەند دەزگەھێن راگەھاندنێ ل کوردستانێ دیارکر بۆ ئەو ئالا ژلایێ کەسەکێ ڤە ھاتیە دروستکرن، لێ کارگێریا یانا زاخۆ ئەو چەندە رەتکری یە کەسەکێ ئەو دروست کر بيت ژبەرکو ھەمان ئالا بۆ ل یاریگەھا زاخۆ ھاتیە بلندکرن.
ل دۆر ئەو ئالایێ ل شنگالێ ھاتیە بلندکرن ئەندامێ کارگێریا یانا زاخۆ لوقمان کوچەر د داخویانیەکا تایبەت دا بۆ ئەڤرۆ نیوز دیارکر چو راستی بۆ وی دەنگوباسی نین کو ئەو ئالا ژلایێ کەسەکێ دی ڤە ھاتبتە دروستکرن و یا دروست ئەو ئەو ئالا ژلایێ دەستەیا کارگێریا یانا زاخۆ ڤە ھاتیە دروستکرن و ھەمان ئالا بوو ل دەمێ ڤەکرنا یاریگەھا نیڤدەولی یا یانا زاخۆ ھاتیە بلندکرن .
ناڤبری ئاماژە بوێ چەندێ ژی کر دەستەیا گارگێریا یانا زاخۆ شانازی ب پێشمەرگەیێ کوردستانێ بیت و ئەو ئالا وەکو دیاری یە بۆ رزگارکرنا شنگالێ ل سەر دەستێ پێشمەرگەیێ کوردستانێ و سەرکێشا ئەوان سەرۆکێ ھەرێما کوردستانێ مەسعود بارزانی .