ئەڤرۆ نیوز پێزانینێن نووی ل سەر راھێنەرێ یانا زاخۆ یێ نووی و ستاڤێ وی بەلاڤ دکەت
ئەڤرۆ نیوز،ھەژار مەعروف:
چاڤەرێ دھێتەکرن ئەڤرۆ راھێنەرێ یانا زاخۆ یێ رومانی مارین ئیوان ب گەھیتە باژێرێ ھەولێرێ و پاش ئێکسەر بەر ب باژێرێ زاخۆ رێکەفیت بۆ دانوستاندنان ل گەل دەستەیا کارگێریا یانا زاخۆ ب مەرەما ئیمزاکرنا ھەڤبەستێ ل گەل کارگێریا یانا زاخۆ بۆ تیما خۆلا عیراقێ ل یاریێن بھێت ل جھێ وەلاتیێ خوە ئیلیا ستان ئەوێ ژ ئەرکێ وی ھاتیە دورخستن بەری چەند رۆژان ژبەر ئەنجامێن لاواز ل وەرزێ ئەڤ سالە.
ژێدەرێن دەنگوباسی ل یانا زاخۆ وەسا دیاردکەن راھێنەرێ ناڤبری ھەتا رادەکی د دانوستاندنێن دەستپێکی دا ل گەل کارگێریا یانا زاخۆ رێککەفتی یە بتنێ مایە بھێت ب فه رمى ھەڤبەستا خوە ئیمزابکەت و ل گەل وی بتنێ دێ راھێنەرەکی شیانێن لەشی ل گەل دا بیت ئەوژی بەری نوکە ل یانەکا ئیماراتی بوو ھەڤبەستا وی ب دووماھی ھاتیە و ھەردیسان کارگێریا یانێ یا لێگەریانا راھێنەرەکێ گولچیا کەت و دبیت ھەڤبەست ل گەل راھێنەرێ بەرنیاس ل سەر ئاستێ عیراقێ و ھەلبژارتیێن عەرەبی ئەحمەد جاسم ئیمزابکەن کو پەیوەندی ب وی راھێنەری ھاتیەکرن، ئەحمەد جاسم راھێنەریا ھەردو ھەلبژارتیێن عیراق و ئوردون کری یە ھەردیسان چەندین یانێن بەرنیاس ل سەر ئاستێ عەرەبی و عیراقی.