ئەڤ جۆرێن بهاراتا بۆ لەشی دباشن
هەرئێك ژ كركم و دارچین و جاترە عەمری درێژدكەن و مەترسیێن توشبوونێ ب نەخۆشیێن دومدرێژ و پەنجەشێرێ كێم دكەن.
جێسیكا نیبس، شارەزایا بوارێ خوارنێ ل وەلاتێ بریتانیا ل ماڵپەڕێ “ فۆربس” ئاماژە دایە كو، سێ جۆرێن بهاراتێن سروشتی لەشی ژ نەخۆشیێن مەترسیدار دپارێزن.
كركم:
كو هاریكارە بۆ پاراستنا لەشی ژ نەخۆشیێن پەنجەشێرێ و پیربوونا پێشوەخت و عەمری درێژدكەت.
جێسیكا ئەوژی دیاركریە د ڤەكۆلینەكێ دا دەركەفتیە ئەو كەسێن رۆژانە چار گرامان كركمێ دخۆن، مەترسیا توشبوونا وان ب پەنجەشێرا كۆلۆنێ ب رێژا ٤٠٪ كێم دكەت.
دارچین:
هاریكارە بۆ دابەزاندنا ئاستێ شەكرێ د خوینێ دا و مەترسیێن توشبوونێ ب نەخۆشیا شەكرێ جۆرێ دوێ كێمدەكەت و ناهێلیت شانەیێن پەنجەشێرێ دناڤ لەشیدا بەلاف ببن.
جاترە:
ئێكە ژوان مادێن خوارنێ عەمری درێژدكەت و كارێ مەژی و بیردانكێ بەر ب پێش دبەت و مەترسیا توشبوونێ ب ئەلزەهایمەر كێمدكەت.
